開學爭議｜收校方通知擬9月恢復全日制 小學家長群起抗議
2021-07-21
經過一年多來的疫情侵襲，近期終見緩和，有小學家長在FACEBOOK群組 「不願小朋友成為功課奴隸」 發帖，稱近日收到學校通告，指9月新學年開學後，小朋友要恢復全日制上課，其他學校家長都不約而同收到類似通告，雖然教育局暫時未有公布此安排，但已經引起不少家長抗議。
有家長指，過去一年多學生返半日學，開心很多，成績反而比以前好，「連家長教功課都冇咁勞氣!」 有家長更指，其就讀小一和小五的女兒，即使過去一年返半日學，又不時有停課，但學校一樣教完整個課程，他指，女兒在復活節假後至學期尾，上午返校上實體課，下午則用zoom上堂一小時，女兒一樣掌握到，「根本不用返全日，用嚟重覆地操練！」 有家長指，返半日非常好，就算考試都有足夠時間溫書，「溫完仲有玩既時間，全日4點返到屋企，完全不敢想像。」
有家長慨嘆，小學全日制簡直是「虐兒政策」，「以前返全日，每日回家都4、5點，還要追功課、追練習、溫默書、溫小測…仲有補習呢，簡直身心疲累 !」有家長亦指，如小朋友做功課慢，再加上溫習默書，不時要溫到晚上8、9點就直接上床訓覺，「咁樣嘅童年生活真係煎熬!」不過都有家長指，返全日可讓小朋友與同學多些互動。他們提議寫信去教育局，希望讓家長可自行選擇小朋友返全日抑或半日。
獲頭條日報授權轉載