網絡熱話｜小孩在餐廳哭鬧、玩餐具 自私家長懶理只顧吃喝
2021-07-21
帶小朋友外出用餐 ，應管教好孩子的禮儀，避免孩子的行為騷擾到其他食客。日前有對父母帶上3名孩子，到一間餐廳食壽司，但那對父母只顧自己進食，任由孩子玩餐具和豉油，更由得坐在BB車內的嬰兒哭鬧，影響餐廳的食客用餐。
一名「只係想靜靜咁食飯嘅客人」投稿到facebook專頁「生仔要考牌」，指上星期三到一間壽司店用餐，坐在他身後的一家五口，兩大三小，為他帶來了一次不愉快用餐經歷。投稿者指坐在BB車內的嬰兒一直哭，但該父母沒有理會孩子，就算職員過來提醒，他們仍無動於衷，「佢哋食咁耐，個BB喊足全程咁耐，連壽司店嘅員工都走去同佢父母講「BB喊」，但係父母都係唔理，由佢喊」。
另外兩名大約一歲的孩子邊食邊玩餐具，又把筷子和豉油弄得一地都是，但父母仍沒有出聲管教孩子，只是任得孩子玩，「佢哋父母又係完全唔理，只係自己食嘢、飲酒，完全冇理過小朋友」。投稿者直言那對父母不負責任，「生咗出嚟就應該好好照顧同教，唔想照顧就唔好生咁多個」。
其他文章：【親子熱話】自私媽無入幣任孩子霸佔電動車 家長帶囡囡呆等5分鐘問「可以抱走嗎」被對方斥自私
有部分網民留言戥BB慘，哭了這麼久都無人理會，「小朋友好慘，其他食客都好慘」、「小朋友喊唔收聲，或扭計整亂嘢我可以接受，有時真係控制唔到，但接受唔到父母唔理唔氹，仲要飲埋酒」，亦有網民分享遇過類似事件，坦言父母不出聲管教，作為食客「真係乜都做唔到」。
來源：生仔要考牌