如廁訓練｜迫丈夫在家坐住屙 港媽從小訓練囝囝坐下小便惹熱議
2021-08-18
男士們去小便的方式大同小異，不過有網民透露，有港媽從小就訓練其2歲兒子坐著小便，引發網民熱議。
網民在討論區發文，最近跟朋友飯聚，席間談及男士們去小解如果射到出界要清潔，其中一位朋友居然稱「佢下令要老公喺屋企都要坐喺度小便」，而該朋友的兒子才剛兩歲，「都教緊佢坐potty（嬰兒便盆）小便」，令部份朋友聽到都目瞪口呆。不少網民感到吃驚，「接受唔到呢種訓練」、「點解要咁做?」、「夾硬嚟」。
發文者解釋，港媽稱見識過非同住的家翁小便沾污到到處都是，其丈夫又不時小便沾污到廁板及地下都有，而港媽習慣馬桶放低廁板，丈夫又常常不拉起廁板照樣小便。
有網民就認為是本末倒置，「反而從小訓練佢（小朋友）萬一滴落地，要即刻自己抹同消毒，so far 6歲都處理得好好」、「應該教佢射出界要自己清潔，唔係教佢坐係到」、「唔會囉，應該教佢點去得乾淨啲射準啲」、「之後會唔會因為飯粒跌在地下，要老公同阿仔扒在地下食飯？」
也有人有衛生及心理疑慮，「唔會咁教。在我認知裏，男人要企係到痾尿。將來小朋友去公廁點去，我相信男公廁嘅坐廁污穢過女公廁。」、「如果小朋友習慣咗坐住尿尿，第時大啲會俾同輩排擠架，三思三思」。
獲頭條日報授權轉載
其他文章：