兒童安全|男童獨自游泳險遇溺 母親站在岸上懵然不知
2021-08-19
^示意圖,非當事人(來源:unsplash)
夏日炎炎,唔少家長都會趁 Staycation 時,帶孩子去游泳,家長們記得時刻留意 兒童安全。一位女網友在Facebook投稿,指在 Staycation 期間遇到驚險一幕,見到一名男童在泳池中掙扎,而其母親卻沒有為意,大嘆家長安全意識低。
一位女網友在Facebook專頁《生仔要考牌系列》投稿,指自己與老公到金鐘一間酒店Staycation,期間坐在餐廳用餐,兩人坐的位置能好近距離看到泳池,相隔2米左右,中間有圍欄隔開。
女網友與老公聊天時,發現泳池邊有一名男童在泳池中間不斷踩水,浮浮沉沉,又沒有戴泳鏡或其他助浮物,「成個人打直,但個頭不停被水浸過頭,又凸番少少塊臉上水面」。
正當事主疑惑到底男童是浸親還是練習踩水時,她發現男童母親就在岸上,「著住T-shirt,孭住個小手袋,又好似無乜反應」。就在此事,事主發現男童「唔對路」,因水太深而遇溺掙扎。媽媽才後知後覺發現有危險,「但佢第一件事唔係跳落去,而係先除咗個袋同T-shirt,然後嘗試慢慢落水」,到隻腳掂到池邊又大叫:「哎吔!唔得啦,水太深啦」
其他文章:兒童安全 | 美國4歲女童游泳池嗆水後突發高燒 媽媽直覺及時救回瀕死女兒
事主指男童當時已掙扎差不多1分鐘,急得事主和老公都想跨欄跳落去救人,幸好有個男人游近小朋友,男童媽媽則大喊「唔該救救我個仔」。最後男童抱起小朋友上岸,小朋友無事但嚇到面都青。事主指泳池有救生員,只是當時人流太多,「兩個救生員都喺好遠處理緊人潮,佢哋係完全睇唔到泳池發生緊咩事」。
事主亦在文中呼籲家長要多注意兒童安全,出事後才後悔就太遲了。有不少網友都認為男童媽媽有問題,認為她要自己看好孩子,「個仔係你嘅, 唔好靠晒其他人」,「媽媽危機意識感實在太差」。家長記得不論帶小朋友去邊玩,都要看好孩子,不要讓憾事發生。
文章獲 《生仔要考牌系列》 授權轉載