在職媽媽｜「奶奶唔舒服」同事帶兒子上班 網民：在職媽媽真苦「無人湊仔連返工都有限制」
2021-09-02
搵食艱難，做在職媽媽更艱難! 有網民在討論區分享，指近日鄰近的部門一名「媽媽級」同事，因為「奶奶唔舒服」，無人湊仔下，惟有帶同兒子一起上班，幸老闆容許，小朋友亦無扭計喧嘩，事件令該網民體會到在職媽媽很辛苦，「無人幫佢湊仔就連返工都有限制」，認為公司應讓她們必要時可在家工作，才夠人道。
該網民在香港討論區發帖，指早前返工在接待處見到一個小朋友坐着，起初他不以為意，以為是對面公司有小朋友借位坐，但15分鐘後，該網民竟聽到小朋友叫「媽媽、媽媽」，他周圍看，才發現小朋友原來是鄰近部門一位同事的兒子，「以為佢今日係請咗假，一早返嚟做啲手尾，點知佢係全日返工，仲佢帶埋個仔」。他向其他同事「八卦」打聽，發現原來該同事因為「奶奶唔舒服，臨時又搵唔到人幫手，惟有自己湊返」。
他指，小朋友坐在接待處時，其媽媽正入內問准老闆，他慨嘆：「依家先知在職媽媽咁辛苦，冇人幫佢湊個仔就連返工都有限制」。他更反問：「係唔係在職媽媽可以申請work from home(在家工作)會好啲？」
不少網民認為該媽媽「抵讚」，指她有責任心，「其實請病假就解決到」、「雖然帶埋個仔返工唔係咁好，但係起碼啲同事唔洗做多咗野! 」
亦有網民分享，試過同一日有3個小朋友在公司， 「成間公司好開心! 」更人指：「有次有小朋友上來, 我地print 了填色紙比佢玩， 玩玩吓其實好快又一日」 。
不過有人指事件反映本港托兒服務嚴重不足，「好多人又請唔到外傭，如果唔係太影響工作，老細都應該包容」，亦有人指帶子女上班在外國很普遍， 「外國有女議員一邊開會一邊餵BB食人奶，有乜問題？」不過也有網民指，「一、兩日都話得嘅，長期就唔多可以啦」，「如果小朋友發生意外， 是不是公司需要負責? 」
來源：香港討論區
頭條日報授權轉載
其他閱讀：