生仔要考牌|讓K3孩子自己孭書包被斥虐兒 港媽:叫佢負番自己責任都有錯?

2021-09-07


育兒從來沒有一本天書學到老,每個家長對教養孩子的方法都會有不同的見解,好應該要互相尊重。不過日前有一位媽媽在網上投稿,講述自己由孩子K1上學開始,就要求他要自己孭書包,結果多年來都被其他家長指指點點,更有人認為她此舉是「虐兒」,令她唏噓不已。

該名媽媽在Facebook專頁「生仔要考牌系列」投稿,指自己一向主張小朋友要有自理能力,因此她在孩子K1上學後,到現在K3,都是讓孩子「自己書包自己孭」。媽媽強調,這樣做並不是因為自己懶,而是不想小朋友變「媽寶」,到長大後連自己亦不懂得照顧。媽媽續指,小朋友由讀K1開始,就已經「俾人話虐兒,甚至有個同學嘅婆婆直頭話睇唔過眼我咁對個仔」,現在孩子已經K3了,同一質疑又再出現:「我點對佢?叫佢負番自己責任都有錯?難道你咩都幫佢做晒就係對佢好?」

有一次,孩子看到家長們都會替其他小朋友孭書包,於是照辦煮碗地向媽媽撒嬌,希望她可以替自己孭書包,惟媽媽當時一口拒絕,告訴孩子自己的事要自己做,就算升上小一後亦要自己孭書包。有路過的家長見狀,便亂入指有些書包附有輪子,小朋友之後可以放在地上拉,媽媽亦回絕:「我一定唔會買呢款書包俾小朋友,喺地下輥完又孭上身,唔係嘛?」家長聽狀十分驚訝,出言指摘媽媽:「到時個書包咁重,你唔幫佢孭,又唔俾佢喺地下拉,你點解要對個小朋友?」令媽媽大感氣結。

網民對事件看法不一,有的認為讓孩子自己孭書包是訓練自理能力的開始,不應輕易放棄:「我會先下手為強,問佢哋點解要幫佢孭書包,要訓練責任感,當然升到小學真係重,我會從佢書包攞書出嚟,幫佢攞一些!但書包仍是自己孭」、「其實每個人嘅教法唔一樣,唔知點解啲人咁鍾意將自己個套放喺人哋度」、「係好重,不過返學孭書包係自己責任… 我只會抽起幾本同佢分擔下,唔會幫佢成個孭」;

不過亦有網民認為該位媽媽過於古板,加上孩子正值發育時期,如果書包太重有機會影響脊椎,到時可能得不償失:「聽過有小朋友揹到條腰彎咗,小朋友太細唔敢博」、「其實個核心問題係點解小朋友嘅書包咁重,反而呢個真正問題無人去解決,而係停留喺點解個家長唔幫小朋友孭書包」。

文章授權:Facebook專頁「生仔要考牌系列」

【生仔要考牌】港媽帶BB車上小巴求讓位 乘客出言嘲諷被批無品

【生仔要考牌】媽媽只顧打機懶理BB自己托奶樽食奶 網民:唔想湊就唔好生!

熱門文章

方媛分享女兒功課疑揭母女「約法三章」 郭富城堅持與妻女以廣東話交流
03-07
女子帶遇車禍、終生不能自理前夫改嫁 現任丈夫分擔照顧 餵飯、幫忙洗澡無怨無悔
03-07
病房陪愛兒3日直至去世 媽媽傷心辦喪禮 突然收到兒子訊息 結局超荒謬
03-06
唔怕改壞名︱2024 香港熱門中英文名字 榜首原來係呢個名...
03-08
天瑜腸道蠕動失調 暫時只能注射葡萄糖水 爸爸歷55次電療 癌指數已回復正常水平
03-08

陳展鵬愛女小豬比5歲生日! 廿四孝爸爸大搞Party慶祝 全因囡囡9個字願望
2024-03-29
黃美棋結婚丨昔日童星被搶先披露婚期 親回公司派喜帖心情靚爆
2024-03-29
國產兒童「近視神藥」阿托品開售 醫生提醒不能盲目擅使用
2024-03-29
6歲壽星女Lucy生日大擺萌爆甫士 單眼瞇眼放電 一舉動晒家姐風範
2024-03-29
獨家︱港島傳統名校學生指控校方涉侵犯私隱 查電腦紀錄兼備份 教局:已要求學校檢視
2024-03-28
玩具兒童硬頁書裝訂塑膠環易脫落有潛在危險 海關發禁制通知飭令停售
2024-03-28
查看更多   ▸