家庭環境｜無窮之路｜笨泥爸爸
2021-09-10
提起「窮」，立即想起兒子小時候曾經問我的尷尬問題：「點解我哋咁窮嘅？」
「表哥間屋大我哋一倍！」「點解我哋無私家車？」「點解我哋無工人姐姐？」「點解我哋唔搭的士？」「點解唔可以買呢件玩具？」「點解今日唔可以食自助餐？」歸納以上問題，小子的終極疑問就是：「點解我哋咁窮嘅？」
當時我作為新手爸爸，自然有一番冠冕堂皇、義正辭嚴的理論去妥善回應孩子的提問，但其實心裏面最坦白的那句是：「唔係啩？爸爸媽咪已經好努力搵錢，我哋住緊十大屋苑，你讀緊嘅幼稚園成三千蚊學費，你屋企有幾箱玩具，衣食都不用愁……」我們並不窮。
最近電視上話題之作是《無窮之路》。起初以為又是介紹內地大西北山區少數民族生活如何艱苦，然後呼籲一下要捐款之類……是我的思維太滯後了。這節目實際是一個「成果展示」，告訴大家中國在幾十年間經過精準扶貧，整體國民生活已經由貧困轉為小康，更開始進入研究「共富」的階段，中國人終於可以大聲說一句：「我們不窮了。」可喜可賀。
節目其中一個賣點是主持人陳貝兒體驗「昔日貧窮生活情況」，帶觀眾用眼睛爬天梯上懸崖村、用飛索驚險飛越怒江，然後參觀村民移居後的生活，見證前後的轉變和改善。但近年的網絡和媒體亂象告訴我們凡事不能看片面，於是上網搜尋更多資料。
結果，竟然給我發掘到一片「新大陸」，找到很多內地「自媒體」（一個人自行拍攝剪接放上網播放盈利的新媒體），拍攝的貴州山區實況和生活體驗，個人認為比大台拍的更深入和寫實，更新了我對內地基建交通和百姓生活的認知。
其中最愛看的一個「自媒體」頻道叫《阿龍的旅行》，一人一狗一車任意在中國到處遊歷，最近就走入大涼山上懸崖村訪村民，值得下次為大家繼續介紹。
作者： 笨泥爸爸
為資深兒童傳媒人，《親子王》前主編，分享如何做個快樂孩子的快樂父親。
星島日報授權轉載
其他文章：