衛生問題｜侍應回收二手飯出餐 食客點名批評麻辣風雲講大話
2021-09-14
新冠肺炎影響下，大家更注重 衛生 情況。近日一名網友在網上「爆料」，指銅鑼灣一間餐廳回收食客的「二手」白飯重用，事後店家透過Facebook inbox向事主道歉，但事主表示店家向食環署「講大話」，令他決定要在網上「爆料」。
近日，有網民在Facebook「中伏飲食報料區」出post，控訴銅鑼灣京都廣場麻辣風雲的侍應，把「二手」白飯回收，放回電飯煲重用。事主指早前到該餐廳用膳，隔離枱的食客與待應溝通一輪後，侍應就把枱上的白飯拿走，走到水吧，將白飯放回電飯煲重用，如此不顧衛生的行為，讓事主無法接受，「白飯係夾喺兩個客人中間，佢哋有傾有講口沫橫飛，白飯亦都唔知放咗喺枱面幾耐同埋有冇俾人食過」。
後來事主叫的餐點送到，他向侍應表示看到事發經過，想把白飯換成粉麵，但遭拒，指可以到廚房換過另一碗飯給事主。只是事主表示「我坐出面都唔知佢邊度筆出嚟就拒絕咗」，其後事主見到侍應們繼續將回收的白飯裝給不同客人。最後，事主把事件說了給餐廳收銀和食環署，亦在Facebook inbox相關店家。
其他文章：網絡熱話｜半島嘉麟樓奶皇月餅發霉兼酸臭 酒店稱屬個別事件 願為受影響顧客更換
不料，事主收到食環署電話，食環署指該店家聲稱回收白飯只是放在電飯煲旁邊，沒有倒回去。事主不忿店家「講大話」，明明早在Facebook inbox時承認錯誤，所以才出post公開事件，事主在文中質問店家「如果只係放喺電飯煲隔離點解你inbox 唔講？ 點解要倒晒啲飯呀？點解要同我道歉？」
^事主指控店家「講大話」
事主控訴店家在疫情底下缺乏衛生意識，該碗白飯夾在兩個客人中間，口水有機會噴了落去，可能有病菌病毒，經由口水傳染給下一個食客。帖文一出，隨即引來網民熱議：
來源：中伏飲食報料區
