27歲未讀完大學無做過全職工 網民慨嘆人生是否「已完」

2021-09-19


^網民轉過幾次校,27歲都未讀完大學學位,覺得自己一事無成。《愛回家之開心速遞》截圖

有網民慨嘆,因身患重病以及學業波折,縱使年届27歲都未曾任職過全職工作,問其他網民其人生是否「已完」

網民透露,中學時成績不錯一直是全級頭三名內,文憑試成績算中上,發文者雖然好學但個性悲觀,爸爸又有情緒問題,覺得人生無咩希望。之後發文者因為聽媽媽意見北上廣州讀大學商科學位,結果完全不感興趣,期間發文者不幸生腫瘤,退學返港求醫。

發文者因治病前後花費兩年多,休養好後決定再讀書。發文者在香港重新修讀化學,結果兩年後又突然轉校讀城市研究。又讀了兩年發現做不到理想工作,加上反修例示威運動影響最後退學,轉去讀電腦重頭開始。

發文者稱,間中有做兼職,例如幫人補習、接下小型電腦工作等。「其實我都知自己過去衰在貪心咩都想要讀,思想唔夠堅定,同埋唔好彩患咗病,搞到浪費咗好多青春,明白依個社會亦最唔like我依種人。」

發文者又問,「其實係咪人生已完?做算讀得幾好,以後唔會再有老闆請,唔會再有希望?當年病後連生育能力都無埋,我已唔打算結婚,已疊埋心水一世做單身狗,只係想喺職場上保留一定競爭力,做個有價值嘅人。」 


^網民覺得自己一事無成,慨嘆人生是否已完。《愛回家之開心速遞》截圖

有網民建議,「你而家讀電腦讀到完成學業,唔好又轉其他嘢或停學,讀完有個degree,點都搵到份電腦做,而家多人移民,啲人又生得少,香港需要人材,你亦可上大陸發展,機遇處處,點會人生已完,堅持理想向前行便會有路行。」、「你今次一定要同自己講一定要畢業,唔好半途又再轉。放棄好易,要向目標前進唔放棄先可以行出屬於一條自己既路。 你識得反省即是代表你根本唔想自己就咁就一世,所以你更加應該要為自己加油,唔好咁易放棄。 你而家先27,仲有好長嘅路,機會永遠都是留俾有準備既人。 準備好自己,當機會來到你先有能力去爭取。若輕言放棄唔準備好自己,機會來到你手都只會流走。」

有網民安慰道,「你識得檢討自己嘅問題,比好多人都好,唔好浪費時間自怨自艾,努力過好每一日」、「27歲仲好後生,最緊要知道自己想要咩。set好目標,努力向目標邁進,唔好三心兩意半途而廢」、「其實有好多做研究嘅讀完博士年紀都唔細先出嚟做嘢。不過既然你屋企唔等你開飯,今次當然要讀埋個本科學位先喇。年青時都已經任性咗,而家就努力啲讀拎個好成績方便第日再進修。年紀唔係問題,但你預人哋只會畀fresh grad價錢去請你」

資料來源:《廿七歲仍然無做過全職工作,人生是否已完?》

頭條日報授權轉載

熱門文章

婆媳關係|應承俾10萬禮金後反口 新抱1舉動令奶奶傷心不已
12-01
梅艷芳生前最遺憾未能與姨甥團聚 梅愛芳之子21年後終現身懷念媽媽和姨姨
12-01
奇怪功課|3年級兒子功課要「帶1萬粒黃豆」回校 爸爸到校質問老師 結局神反轉
11-30
安心出行|欲帶9歲兒子入郵局寄信給聖誕老人 媽媽鬧爆職員質疑已滿12歲拒放行
12-01
網絡熱話 | 劏房夫婦日嘈夜嘈影響7歲女 港媽排公屋5年半不敢離婚
12-01

德國專家:Omicron或是「聖誕禮物」有機會加速終結疫情
2021-12-01
11歲女童患罕見病紅斑性肢痛症 腿像火山噴發 寒冬仍抱冰塊吹風扇降溫
2021-12-01
港媽欲買二手小提琴 賣家堅持到1個地方交易惹熱議
2021-12-01
中學校長會調查顯示 學生退學及教師離職人數飊升
2021-12-01
預先包裝乾冬菇及菠菜麵含未標示防腐劑 食安中心指令回收
2021-12-01
雙胞胎|老婆想替雙胞胎改「成對的名字」 老公拒絕:每個孩子都是獨立個體
2021-12-01
查看更多   ▸