先天性心臟病小鐵漢| 聽日入院備戰「打大佬」 改組內部循環系統 祝福手術成功
2021-09-24
現年4歲的「小鐵漢」Kansas，因患有先天性心臟病，已經做過5次心臟手術。今日(24日)媽媽在社交平台貼文交代，明天會入院，準備星期一就做大手術。主診醫生表示，因為心導管出來結果不錯，成功率會提高，但始終大手術，難免有未能預計的風險。媽媽：「生存的希望就是靠著堅韌的意志！小鐵漢知道明天入院，沒有擔心，因為知道爸媽一定每時每刻陪伴左右。」
小鐵漢一出生便患有先天性心臟病，4年間做過多次大手術，越過多次鬼門關，幸得父母密密守護。星期一便會做心臟大手術「Phase3 Fontan」，需時一日 。
選定玩具帶去醫院
爸爸鄭鐵漢亦有在Facebook分享兒子情況，表示「醫生話雖然囝囝之前做嘅心導管檢查顯示良好，令佢對今次手術嘅過程有一定嘅把握，但醫生話今次嘅關鍵並唔係喺手術過程中，而係喺做完手術之後果48小時，因為係成個內部循環系統大改，所以身體有機會排斥新建嘅循環系統…如果出現排斥的話…就需要立即再動刀拆返哂入面所有嘢還原，之後再等換心救命…」 
不過爸爸表示，他們一家三口都對今次手術都充滿信心！「因為今次迎戰終極大佬嘅，係一個狀態極佳嘅小鐵漢‼️加上有多年嘅戰友羅醫生操刀，再加埋各位嘅祝福能量，今次真係Sure Win呀‼️呀仔‼️你要乖呀～ 一定要接受新嘅循環系統呀～ 撐得過就勁過Ironman架喇！」
媽媽：「期待看到你更健康的身體，期待你拖著同學行兩層樓梯上學，不用媽媽抱，期待見到你比現在更加多笑容，更古靈精怪！」
中秋節，同學來跟佢玩燈籠給個支持的擁抱
網民紛紛為小鐵漢打氣，「小鐵漢加油!好多小公主等緊你架 祝一切順順利利 變身成功」;「祝你一切順利，加油呀」;「加油喔！祝平安，手術成功，早日康復。」
相關閱讀：先天性心臟病「小鐵漢」| 入院做心導管檢查須全身麻醉 評估心臟功能
資料來源：《小鐵漢媽媽》、鄭鐵漢@ Facebook