移民｜林子博帶子女移居英國波折重重 開網上頻道分享生活難題

50歲前無線娛樂新聞台主播林子博太太董燕君（Shirley）於上年不敵癌症逝世，今年8月林子博帶同一對仔女移民英國，離開傷心地重過新生活，遵從亡妻的遺願，好好栽培一對子女成材。身在英國曼徹斯特（曼城）的林子博在youtube開了《子博在英國》頻道講留英生活，首集昨晚首播，播出15小時有2,400觀眾收看，不少網民送上祝福及留言叫他加油。

子女未返到學

精神飽滿的子博對住鏡頭正式交待在英國的生活，他說：「大大話話嚟咗英國一個月時間，唔少朋友透過唔同平台問我習慣咗英國嘅生活未？係咪經已Settle落嚟？小朋友係咪返咗學呢？實不相瞞，小朋友仲未返到學，而家我哋仲住喺酒店。」

他唉一聲續說：「原來唔係咁簡單，因為住唔起大城市倫敦，就揀咗第二大城市曼城，當日諗住先搵間酒店落咗腳，再搵租盤，但呢度嘅業主係要睇租客有冇工作，唔係話肯交一年租金就隨便租屋出去，所以就棘住咗好多相關嘅嘢，好似仔女搵學校要有正式嘅租約證明，而酒店唔算係住址證明，除非租Airbnb旅居，所以小朋友未有得報學校，家仲喺度搵緊屋嚟租。不過，日內會轉住Airbnb，始終住酒店冇爐頭煮食，除此之外冇得洗衫，要經常出去食嘢同洗衫真係好煩。嚟度我第一時間租車，但呢度啲人慢活，租車都等成個月。」