齊創世界紀錄︱參加「開合跳挑戰」短片比賽宣揚保護兒童訊息

根據香港警務處（警務處）資料顯示，2021年上半年的虐待兒童個案有急劇上升趨勢，與去年同期相比，增加超過八成，情況令人關注。為咗加強大眾對保護兒童的關注，警務處於2021年10月至11月期間於全港開展「保護兒童計劃」，透過以下4大活動，提升市民保護兒童的意識，以及關心兒童照顧者的心理健康。

?

?

1) 開合跳 挑戰世界紀錄

平時小朋友去玩放電，爸媽通常坐埋一邊，少有落場參與，今次活動須由兩名或以上參賽者組成，爸媽就可以同小朋友組隊參加，一齊喺服飾及口號上發揮創意及心思，隨時拎走最具創意/最佳服裝等獎項。開合跳唔止活動全身肌肉及關節，仲有益身心，邊玩邊提升親子關係。主辦單位期望收集最少1,120條短片，創造世界紀錄，同11月20日的世界兒童日互相呼應。

「開合跳挑戰」短片比賽
• 製作不多於45秒的「開合跳」短片
• 片中須加入保護兒童口號
• 可加入自創元素
• 經 WhatsApp 9471 8821遞交作品或將短片分享到社交媒體，填妥網上表格參賽
• 比賽日期：2021年 10月10日至11月19日
• 詳情：www.JumpingJacksChallenge.hk

▲爸媽不妨同小朋友一齊發揮創意，加入獨特動作，爭奪最具創意等獎項。

▲記得加入口號，宣揚保護兒童訊息。

2) 親子填色及口號設計比賽

年紀較細嘅小朋友亦可以出一分力，幫手宣揚保護兒童訊息，就係參加親子填色及口號設計比賽喇！比賽分為三個組別，包括幼稚園、初小及高小。小朋友可以同爸爸媽媽一齊用顏色筆填好畫作，並且創作「保護兒童」口號，就有機會拎走一系列由社區贊助的豐富獎品。詳情：www.JumpingJacksChallenge.hk

3) 一站式網絡應用程式

為咗方便大眾從網絡接收有關保護兒童相關知識，包括保護青少年和兒童的相關法例、影響青少年和兒童的犯案手法等，警務處將於今年10月10日推出網絡應用程式：www.ChildProtection.gov.hk。而網絡應用程式亦都希望幫家長減壓，為他們提供保持身心健康的實用貼士。

4) Let’s T.A.L.K. 多專業研討會

喺保護兒童的課題上，需要不同專業界別的協作，從多方面入手，目光不但集中在兒童身上，照顧者亦需要得到適當的關注。因此警務處將於 2021 年 10 月 22 日（星期五）假香港警察總部舉行一場多專業合作研討會，邀請教育工作者、兒科醫生、心理學家及家長等就預防虐待兒童的工作交流意見。