魷魚遊戲|有錢學生學《魷魚遊戲》孔劉派錢 玩擲骰仔贏獲$500 輸要被打巴掌
2021-10-06
韓國劇集《魷魚遊戲》風靡全球,除了帶挈幾位主角爆紅外,劇中的遊戲亦多被觀眾仿傚。不過日前有學生在網上投稿,指有一名有錢同學學劇中孔劉派錢,邀請同學與他玩擲骰子遊戲,勝出者可以獲得$500(港幣,下同),而輸家要被打巴掌。該名學生指,現場竟然有10多位同學參加,令他覺得「原來有錢真係可以為所欲為」。
有九龍區男校學生向「名校Secrets」Instagram匿名投稿,指日前有個很有錢的同學在看完《魷魚遊戲》,竟學劇中孔劉般「用錢撻人」,在午膳時間拿了一疊$500紙幣及一粒骰子出來,邀請其他同學玩遊戲。遊戲玩法非常簡單,只要連續兩次擲中同樣數字的骰子,即可獲得$500;相反如果擲不中,就要被打巴掌。
學生目擊在有10多名同學參加,而且「仲排隊排到課室出面」,結果只有3位同學勝出,有錢同學派了$1,500,其他落敗者則被打到臉部紅腫。其後,有老師在上課時發現有幾個同學口腫面腫,問發生何事,同學竟然回答「天氣太熱,曬到塊面紅晒」,令投稿的學生認為同學們為了錢連尊嚴都失去:「為咗$500送塊面就俾人咁樣,俾阿爸阿媽知道咗一定好傷心。」
不過網民對此事的反應兩極,有人認為該名有錢同學太招搖,相信他是一名「二世祖」,長大後必成功利主義的人;但亦有網民認為玩遊戲屬「你情我願」,更笑言想加入遊戲:「知唔知出面搵錢好難,你做part time成日先$500,你而家出塊面就有$500」、「凡事都有個價,500蚊會傷心,咁5000會唔會冇咁傷?再唔係五萬….如此類推」。此外,亦有網民質疑事件的真確性:「戴口罩都可以見到同學成塊面紅晒?」。
來源:「名校Secrets」Instagram
更多文章: