港女患卵巢癌需切子宮保命 奶奶欲追孫怒喊:冇得再生呀?

2021-10-14


^人妻早前確診患上初期卵巢癌,需進行子宮切除手術,奶奶得知卻有極大反應指「冇得再生呀?」《BB來了》劇照

婆媳問題實在屢見不鮮。有人妻早前確診患上初期卵巢癌,丈夫得知力撐她進行子宮切除手術,但一直希望有兩個孫仔的奶奶卻有極大反應,直呼「妳冇咗子宮?!即係冇得再生呀?!我個仔條命係有兩個仔㗎喎!」,令她非常心淡及無奈。

該名人妻在社交媒體Facebook群組「同住奶奶好惡頂自由討論區」發文,指奶奶一直不喜歡她,早年她與丈夫談戀愛時遇上車禍,奶奶曾說出「最好撞死佢(人妻)」。她推測奶奶認定兒子很富有,若不是她的出現,「啲錢就係屬於佢」。

人妻指,婚後已誕下一子及一對孖女,直至最近發現患有初期卵巢癌,丈夫非常關心她的身體,要求醫生為她做子宮切除手術,表示「盡快切晒我老婆抽牛雜保平安,冇咗老婆,生幾個都冇用」。不過奶奶得知後,竟對新抱表示「妳冇咗子宮?!即係冇得再生呀?!我個仔條命係有兩個仔㗎喎!」,令她非常心淡,亦沒有要求丈夫與奶奶對質,指「我唔想佢哋因為我愈來愈仇,我唔care佢哋仇其他嘢,但我唔想做其中一個原因」。

不少網民看完帖文後,紛紛安慰人妻,指「樓主有個好老公,老公態度至緊要」、「妳做得好好,呢個心腸唔好嘅奶奶,唔值得妳花精神同口水同佢講任何嘢!最緊要有個當妳係寶嘅老公!」,亦有人大讚人妻的丈夫,「妳做得好好!妳老公都係,咁先係一個男人!」

資料來源:「同住奶奶好惡頂自由討論區」FB

頭條日報授權轉載

熱門文章

眾籌|港爸突患肝癌 社交平台發文盼籌50萬醫藥費
10-22
周天瑜|6歲小天瑜成植物人卧牀16個月 周爸爸獲仁醫跟進病情
10-22
爆笑事件|5歲男童報警指「我想吃開心樂園餐」 機警接線生找警察上門協助 結局笑翻網民
10-22
悲劇|攝影師爸爸為生計兼職做外賣員 意外遇車禍亡 遺下太太及3名孩子
10-22
校內打羽毛球 長沙灣英華小學44歲家長猝死
10-23

超市暖心老闆娘10年來為晚歸女孩開燈照亮回家路 數萬網民點讚
2021-10-23
婚內出軌懷孕 廣東女誕下男嬰即以2.4萬元販賣
2021-10-23
天眼揭不斷搖晃大哭B仔 菲傭涉虐兒還柙
2021-10-23
「小鐵漢」術後如願遊迪士尼 媽媽勉勵:世上無打唔贏嘅大佬
2021-10-23
校內打羽毛球 長沙灣英華小學44歲家長猝死
2021-10-23
孕婦催生後死亡|家屬一方醫生稱若早診斷及處理羊水栓塞可提高存活率
2021-10-23
查看更多   ▸