爆笑|林芊妤囝囝3歲生日 「伯伯」為一支蠟燭又喊又笑

2021-10-17


^Coffee囝囝伯伯3歲生日,因為一支蠟燭,搞到又喊又笑。

林芊妤(Coffee)經常喺社交平台分享囝囝「伯伯」翟德彥嘅有趣日常,聰明伶俐加上表情多多,獲唔少廣告商青睞,人氣拍得住Lucy妹妹。

噚日係「翟伯伯」嘅3歲生日,Coffee邀請咗好多家長同小朋友一齊開生日派對,伯伯以《Paw Patrol 汪汪隊立大功》嘅造型登場,十分醒目。伯伯以前都有開個人IG賬戶,有睇開嘅朋友都知伯伯好鍾意吹蠟燭,無論邊個生日,蠟燭在前都會忍唔住「吹吹吹」熄佢。

今次雖然係男主角,但同場有好多天真爛漫嘅小朋友,喺Coffee上載嘅片段中可見,原本係伯伯專屬嘅吹蠟燭環節,竟然出現好多小朋友一齊爭,其中以吳日言囡囡最進取,搞到伯伯扭計爆喊,Coffee笑問吳日言:「可唔可以stop吓你個女呀?」場面爆笑,最後一支蠟燭保守估計吹咗5、6次咁多。

Coffee留言:「嗱嗱嗱~今次真係你都有今日啦!成日吹我蠟燭啊啦🤣#小朋友真係好鍾意吹蠟燭。」佢仲扮伯伯留言:「Wt??你唔係女仔我早就出手啦。」之後Coffee再貼一家三口相,好感觸咁話:「3歲生日!!朋友都知道我這個人沒什麼儀式感,所以節日都是隨心過,BB出生後也沒請過朋友開派對,但今天是Bb的3歲生日~感覺他長大了很多也懂事了。所以我認真地搞了場大龍鳳討他歡心,奔波勞碌了一整天,但看他那麼興奮就覺得值得啦,但三年才搞一次好了🤭😂。#果然是母親受難日😂#我需要幾天的休養啊」不過伯伯超開心,仲講明:「很開心很開心🤩以後年年都要這樣過!」

^伯伯受萬千寵愛。

^生日快樂呀!

^伯伯生日,亦係媽咪Coffee嘅受難日,但囝囝咁開心,值得!

星島日報授權轉載

熱門文章

第5波疫情|35個地方納強檢 多條巴士路線臨時取消葵涌邨總站
01-24
網絡熱話|印度媽媽誕下4手4腳嬰兒 被民眾認為是神明化身 爭相膜拜
01-23
大埔2死奪命火|房間嚴重燒毀 兒子疑逃生無門攀窗墮樓
01-23
孝感動天|擔心老父染疫 亞馬遜孝順仔徙步12小時 帶爸爸打針
01-23
狠父殺子|狠父及情婦推2孩子落樓被判死刑 二人不服上訴 孩子生母:今生就等他們被處決
01-24

嫁台港女產後失血過多慘變植物人 丈夫控訴接生診所失責
2022-01-24
COLLAR學歷 | 隊長Gao浸大畢業 Ivy So讀藍田聖保祿中學
2022-01-24
育兒神器|孩子不肯沖涼 媽媽用黑色幽默輕鬆解決
2022-01-24
第5波疫情|增109宗新冠5宗源頭不明 葵涌邨再多69人染疫
2022-01-24
育兒妙招|完成任務先可以打機 媽媽用一招讓孩子動起來
2022-01-24
狠父殺子|狠父及情婦推2孩子落樓被判死刑 二人不服上訴 孩子生母:今生就等他們被處決
2022-01-24
查看更多   ▸