爆笑|林芊妤囝囝3歲生日 「伯伯」為一支蠟燭又喊又笑

2021-10-17


^Coffee囝囝伯伯3歲生日,因為一支蠟燭,搞到又喊又笑。

林芊妤(Coffee)經常喺社交平台分享囝囝「伯伯」翟德彥嘅有趣日常,聰明伶俐加上表情多多,獲唔少廣告商青睞,人氣拍得住Lucy妹妹。

噚日係「翟伯伯」嘅3歲生日,Coffee邀請咗好多家長同小朋友一齊開生日派對,伯伯以《Paw Patrol 汪汪隊立大功》嘅造型登場,十分醒目。伯伯以前都有開個人IG賬戶,有睇開嘅朋友都知伯伯好鍾意吹蠟燭,無論邊個生日,蠟燭在前都會忍唔住「吹吹吹」熄佢。

今次雖然係男主角,但同場有好多天真爛漫嘅小朋友,喺Coffee上載嘅片段中可見,原本係伯伯專屬嘅吹蠟燭環節,竟然出現好多小朋友一齊爭,其中以吳日言囡囡最進取,搞到伯伯扭計爆喊,Coffee笑問吳日言:「可唔可以stop吓你個女呀?」場面爆笑,最後一支蠟燭保守估計吹咗5、6次咁多。

Coffee留言:「嗱嗱嗱~今次真係你都有今日啦!成日吹我蠟燭啊啦🤣#小朋友真係好鍾意吹蠟燭。」佢仲扮伯伯留言:「Wt??你唔係女仔我早就出手啦。」之後Coffee再貼一家三口相,好感觸咁話:「3歲生日!!朋友都知道我這個人沒什麼儀式感,所以節日都是隨心過,BB出生後也沒請過朋友開派對,但今天是Bb的3歲生日~感覺他長大了很多也懂事了。所以我認真地搞了場大龍鳳討他歡心,奔波勞碌了一整天,但看他那麼興奮就覺得值得啦,但三年才搞一次好了🤭😂。#果然是母親受難日😂#我需要幾天的休養啊」不過伯伯超開心,仲講明:「很開心很開心🤩以後年年都要這樣過!」

^伯伯受萬千寵愛。

^生日快樂呀!

^伯伯生日,亦係媽咪Coffee嘅受難日,但囝囝咁開心,值得!

星島日報授權轉載

熱門文章

網絡熱話 | 人妻身體不適提早回家 開門驚見老公與奶奶行為親暱
11-26
搬到單位外度宿求原諒 女保安堅持不搬走:做咩要畀返佢
11-27
火燭棄妻女走先 桃園父害女兒葬身火場被起訴
11-28
鍾嘉欣帶囝囝來港似為爭視后做準備 Jared靚仔樣成功搶Fo
11-27
在家自學|10個小孩從不返學讀書Homeschool 只留在家中學習 全部於13歲前成功跳級入讀大學
11-25

自私家長|港媽堅持帶傷風大女遊迪士尼播毒 同行小兒子齊「中招」高燒至39.3度
2021-11-28
移加5個月港女生日前遇車禍亡 僱主眾籌助家人到當地辦後事
2021-11-28
4歲Sheldon骨髓再受感染醫療費高達300萬 媽媽徬徨:一切該怎決定
2021-11-28
張家朗|林大輝中學設「張家朗課室」 下周舉行命名儀式
2021-11-28
火燭棄妻女走先 桃園父害女兒葬身火場被起訴
2021-11-28
新冠疫苗|楊潤雄籲適齡學生接種疫苗:讓大家安全參與更多有益身心活動
2021-11-28
查看更多   ▸