林子博太太逝世一周年 寫下心聲悼亡妻:你可以放心,我頂得住!

2021-10-21


今天是林子博亡妻董燕君(Shirley)逝世一周年的日子,他在個人社交平台上悼念亡妻,寫下這一年以來的心路歷程,其中訴說「俾人鬧我抽死鬼老婆水」、離開香港帶着子女移民的經歷,字裏行間流露着對亡妻思念之情。

Shirley在2019年確診罕見癌症「平滑肌肉瘤(腹腔)」第四期,一直堅強地進行化療及鏢靶治療,惟最終亦不敵癌魔,於去年10月21日逝世,留下丈夫林子博及一對子女。在過去這一年,林子博做了人生一個重大的決定——帶着子女移民英國,希望可以過新生活,可以卻遇到重重困難,令他心力交瘁。

閱讀更多:移民|林子博帶子女移居英國波折重重 開網上頻道分享生活難題

適逢今天是亡妻逝世一周年的日子,林子博凌晨在Facebook剖白對亡妻的思念,並訴說過去一年所面對的問題,令他有窒息的感覺。林子博指,在他壓力大的時候,知道應該要找朋友聊聊天,但卻又怕「放負」,影響他人;他以為傳媒主動問他心情時,是他唯一可以「釋放體內瘀血的途徑」,但最後發現依舊行不通,因為「會俾人鬧我抽死鬼老婆水」,因此只可以在Facebook上宣洩一下,告訴亡妻如今與孩子的生活點滴。

林子博表示,在亡妻死後,竟然有親戚著他找第二春,「黐線咩!我連諗都唔敢諗呀?前世未俾人鬧過咩?」,但他卻希望亡妻可以報夢,罵一罵他,「原來冇得再聽你鬧吓,間房會好靜」。

他續寫道:「老婆,你可以放心!我頂得住喎!你不嬲都知我硬淨嘅!望住屋企嗰兩隻大寶貝,就會變得冇嘢可以難到我!」又謂亡妻從前很想去外國讀書,如今他帶着子女到英國讀書,「你對子女做到喇,我肯定你會當自己做到一樣」。最後,林子博更表示10月21日,是他人生最痛苦的日子:「老婆,你究竟生前俾咗啲乜嘢我食?都成一年啦!點解我仲會咁掛住你?」字字情真,令人動容。

全文如下:

老婆,今日係你離開我剛剛一年。過去我哋面對嘅所有嘢,諗返轉頭呢啲過程都有窒息嘅感覺!我鬼唔知搵朋友傾可以減壓咩?但冇咩都唔好「放負」俾啲Friends啦!但係谷谷埋埋自己又唔舒服喎,所以傳媒朋友主動問我,就變成唯一可以釋放我體內瘀血嘅途徑!

但原來呢個方法係唔Work㗎!會俾人鬧我抽死鬼老婆水(係呀!即係你囉!)咁我就唯有喺自己社交平台Tag你個Facebook宣洩吓,話你知我哋而家嘅生活過成點?(唔知得唔得㗎?但都希望你會睇到啦!)

不過,有時又避免唔到關心我哋嘅媒體朋友,會轉載我社交平台啲Post報道出嚟!

唉!所以最終~都係又俾人鬧!

老婆,你知唔知我而家已經變成喺自己社交平台,自言自語咁同你傾計嘅自由都冇!

你就好啦!合埋眼乜都唔知走咗去,留返我一個人,帶住對子女繼續捱世界!

話你知,你走咗呢一年,竟然有親戚夠膽死叫我搵返個人?黐線咩!我連諗都唔敢諗呀?前世未俾人鬧過咩?不過如果你報夢嚟鬧吓我又唔拘喎!原來冇得再聽你鬧吓,間房會好靜!

老婆,你可以放心!我頂得住喎!你不嬲都知我硬淨嘅!望住屋企嗰兩隻大寶貝,就會變得冇嘢可以難到我!

你成日話自己以前細個好想去外國讀書,而家你對子女做到喇!我肯定你會當自己做到一樣。

最後,我想講嘅係:你知唔知我好怕面對10月21日?因為呢一日,係我人生最痛苦嘅日子。

老婆~你究竟生前俾咗啲乜嘢我食?都成一年啦!點解我仲會咁掛住你嘅?

我真係有好多好多嘢想同你講,呢首歌係我過去一年嘅心聲,希望你喺上面可以聽到啦!

愛你!

 

來源:林子博-我們這一家

更多文章:

已捐贈亡妻眼角膜及傷健用品 林子博為太太延續愛與情操

熱門文章

網絡熱話 | 人妻身體不適提早回家 開門驚見老公與奶奶行為親暱
11-26
開倉|精品玩具開倉只限4天 過千款玩具低至$10 Peppa Pig組合火車$30
11-26
搭棚工裝狗臂架墮斃 遺六旬母與妻女失經濟支柱
11-26
緣份|羅家英小學畢業60年聚餐 《愛.回家》陳師奶原來係老師
11-26
8地點納強檢 包括金鐘運輸署牌照事務處
11-25

姜麗文為出碟圓夢令生活拮据 未想過叫爸爸幫手: 憑咩用佢啲錢
2021-11-27
搬到單位外度宿求原諒 女保安堅持不搬走:做咩要畀返佢
2021-11-27
世衛將新變種病毒株B.1.1.529命名「Omicron」 列為「值得關注」
2021-11-27
網絡趣事|地震來襲 爸爸丟下兒子就跑 網民熱議:孩子是親生的嗎?
2021-11-26
開倉|精品玩具開倉只限4天 過千款玩具低至$10 Peppa Pig組合火車$30
2021-11-26
緣份|羅家英小學畢業60年聚餐 《愛.回家》陳師奶原來係老師
2021-11-26
查看更多   ▸