戒片小遊戲 形象化概念|護士Vi媽三小火

2021-11-02


小朋友要戒片,不是以年齡限制,需要生理和心理ready。每個小朋友都不一樣,假如小朋友有意識想試吓坐馬桶,或者開始話到俾你知佢有急便便或者急尿,其實即係開始ready。

戒片小遊戲

個人所見,男仔普遍都係遲啲先戒到片,如果你的小朋友很早戒晒白天與夜片,我很替你開心,假如仍未成功,姑勿論係白天還是夜片,請繼續給予耐性。不要理會旁人説別人很早已戒掉,而你個仔仲未戒等等。做媽媽心臟需要很強大!

我想先分享一個關於戒夜片嘅思想工作,白天戒片也適用,與其話思想工作,不如話小遊戲。這個也是朋友同我分享的,我用在三小火身上,覺得頗有成效,大家可以參考一下!

二火白天很早已戒片,但晚上心理上還覺得好需要尿片,晚上也會濕片甚至會爆片。我在沖涼嘅時候和他玩一個遊戲,用一個小水杯和一個大水杯,代表BB時候身體裝到的wee wee,同而家大個仔,膀胱都長大左,可以裝多啲wee wee,將裝滿水嘅小水杯,到落去帶大水杯。 二火發現仍然有好多空間仲未滿喎!可以裝多一杯,兩杯,三杯先滿,然後我地一齊倒走大水杯的水,所以唔再係好似以前BB咁,一急就痾落片片,可以儲多少少,儲到天光在一次過去廁所痾weewee。

由二火親自將小水杯的水,倒入大水杯,「未滿呀,再儲多一杯,再倒」;「天光啦~可以一次過去廁所wee wee唔使痾落片片啦~~」 故事嘅結局是怎樣?當然唔會一教完就成功戒片啦!不過他在午睡的時候都沒有賴濕,也會自己對我說,「自己大過仔」,身體可以裝的wee wee多左,急都無咁快瀨啦!

年齡大一點,長大一點,身體器官都會長大,這個對我哋成年人來説係Common sense,但在幾歲的小朋友心目中,當然未發展到有呢方面嘅知識,連膀胱都唔知係乜嘢,戒片呢個concept對佢哋來講其實都幾抽象,將所有嘢形象化立體化,佢哋會容易啲明白。

唔用水杯裝水,畫圖畫都得㗎,睇吓邊種方法適合小朋友理解,我就兩種都會用,仲要不停玩嗰隻。 希望呢個思想工作可以幫到大家,歡迎大家分享吓小朋友戒片嘅心路歷程!

圖文獲授權護士Vi媽三小火轉載

其他文章:

小手肌家居小遊戲搣貼紙|護士Vi媽三小火

善用點讀筆造教材│自製故事點讀簿@小book點點讀筆│金牛急躁媽

熱門文章

英語學習|升中 呈分試 4大技巧 即學即用 不學會後悔
05-20
在家學習 | 自畫粗線條+一種東西 讓孩子自信剪出直線
05-18
【英文新領域】Shrimp or Prawn? 十五個經常混淆的生字
04-13
邊玩邊學|18個兒童英文 YouTube頻道(兒歌+故事)推薦
03-21
【停課不停學】英文老師設計網站 3本英文文法書連練習及答案免費下載
01-12

在家學習 | 自畫粗線條+一種東西 讓孩子自信剪出直線
2022-05-18
免費下載全新多媒體教學資源 助孩子愉快學中文
2022-05-13
最佳母親節禮物 -「朗文家」助孩子自學成才,助媽媽鬆一口氣!
2022-05-06
家居遊戲|缺乏運動削弱柔韌度 幼兒勿忘伸展筋骨
2022-05-04
【Oh!在家學堂】Let’s Get Moving (EP2)
2022-05-03
【Oh!在家學堂】Let’s Get Moving (EP3)
2022-05-03
查看更多   ▸