豬隊友|雨僑帶女兒N班面試 呻老公如豬隊友:佢同老師玩大電視
2021-11-10
踏入11月,又是幼稚園、N班的面試旺季,女藝人雨僑日前分享與老公羅力威帶1歲女兒面試N班的趣事,她指老公就如「豬隊友」一樣,對老師的問題「問非所答」,更因為記性差,竟在老師面前跟自己玩起「超級無敵大電視」,要雨僑估他所指的地點,引得一眾網民都笑言羅力威非常有喜感!
藝人雨僑與歌手羅力威於2018年結婚,兩年後誕下女兒Harper,日前雨僑與老公帶女兒參加N班的面試,可是在父母面試環節時,羅力威卻問非所答,令雨僑哭笑不得:
老師:你哋平時會帶小朋友去邊度玩?
羅力威:(搶答)去黃埔嗰度呢!
老師:(?????)
羅力威:黃埔喎,好多人去架喎!嗰度叫咩呀?(思考中)
老師:(?????)
羅力威:那間XXXXX呀!
雨僑笑指老公與老師的對答就如在玩「超級無敵大電視」一樣,要老師估之餘,最後又自己說出答案,十分惹笑。她本以為對話已經完結,未料羅力威又再次開聲:
羅力威:同埋啟德嗰度呀!
雨僑:(你仲嚟?)
羅力威:啟德嗰度呀!有個草地嘅呢!
雨僑:(幾多個字架?食唔食得?)
結果這條問題最後當然是由媽媽回答:「我哋會去吓室內室外嘅遊樂場、公園、超級市場」,羅力威瞬間就成了「豬隊友」一樣,令一眾網民都紛紛留言調侃:「如果我老公面試係咁我會打死佢」、「我應該會即場反白眼」、「其實幫小朋友練面試嘅同時,都應該幫爸爸練埋一份」、「睇得出其實爸爸好努力參與」。
媽媽們,你家隊友又有沒有甚麼搞笑面試情況可以分享?
來源:雨僑Instagram
更多文章: