學業壓力|媽媽教兒子做功課就會「變成暴龍」港爸嘆阿仔好慘:愈鬧愈唔識
2021-11-17
教小朋友做功課,從來都是一場親子角力賽,稍欠耐性都有機會造成衝突…… 日前有爸爸在討論區上分享,指太太在教兒子做功課時,會由「人變成暴龍」,覺得兒子很慘,教極唔識之餘,又會被媽媽罵,但同時又覺得太太壓力亦太大,自己夾在中間兩邊做人難,於是向網民尋求建議。
日前一位港爸在香港討論區上發起討論,指太太每次教自己做功課時,都會「變成暴龍」,他覺得兒子很慘:「教極唔識,又俾人鬧,愈鬧愈唔識,我諗佢都唔想唔明(功課),但又被逼迫」。面對這個情況,爸爸已有提醒太太要放鬆心情,可惜無效,他最終只能「選擇坐側邊,唔好理」,怕愈幫愈忙,甚至會引起夫妻間的爭執。
爸爸指,太太是全職媽媽,平時亦正正常常,但只要面對兒子的學業就會變得激進。他舉例,兒子平日已經有到補習班補習,但太太還是會不放心,每晚都要親自檢查功課,爸爸認為她的視野只有兒子的學業,「考試、評估、功課、默書、拼音,咩都要理」,再繼續這樣下去只會害了兒子,又苦了媽媽。而自己就相對比較鬆手:「讀書好難逼,佢(兒子)材料係拎70分,好難谷到90分,夾硬谷,會谷到壊」。
他又指,自己試過在太太不在家時,在星期五晚上接兒子放補習班,買完飯、洗完澡,再幫他「執漏功課」,然而執好書包。他認為兒子整個過程都「好乖」,但太太回家後,卻不停叫兒子溫書,令他覺得不是滋味,於是告訴太太:「今日星期五,俾佢休息吓,你個腦成日只是溫習,有冇其他嘢架?」太太沒有回應,但爸爸覺得長此下去對整個家庭都不太好,希望網民可以給他一點意見,解決困局。
有不少網民認為,這是個「死局」,因為丈夫如果在這節骨眼上出聲,可能會令事件惡化:「老婆教仔、鬧仔基本上我no say,因為我都搞唔掂,唯有在其他時間安撫番個仔,等佢哋平衡一下」;亦有人建議爸爸要多留意補習社的功課班是否有用:「好多時只係抄功課,小朋友交流各自頑皮事,根本不是溫習」、「如果補習有用,媽媽都唔需要再花咁多時間去處理」。
來源:香港討論區
更多文章: