【小小豬廚房】健脾袪濕茶 - 雲苓白术扁豆衣茶
2016-05-05
依排天氣濕濕笠笠，都真係令人周身唔舒服，見朋友仔介紹左依款袪濕茶，見簡簡單單咪又買材料煲下。袪下身體入面嘅濕氣，人都醒神啲啦！
煲新涼茶我當然先問一問相熟那位藥材店店員先，佢話依幾款都係啲性質較平和嘅袪濕料，都係有健脾益胃及袪濕嘅作用，所以都好啱依家天氣飲用。到左夏天我地成日出入冷氣房，都一樣好啱飲，因為成日叫冷氣都會令人體積左好多濕氣。
材料只係需要雲苓、白朮、扁豆衣、白芍、抱心伏神及蜜棗兩粒，藥材份量方面你同藥材店職員講大約幾多人飲用，佢就會幫你執份量啦~ 
將所有藥材浸洗備用~ 
於煲內準備12碗水份量，然後加入藥材~