林子博移英出首份糧出街食飯慶祝 鬧爆樓上鄰居狂丟未熄煙頭

2021-12-04


^移居英國嘅林子博最開心出咗第一份糧後同家人出街食飯慶祝,但就不滿樓上鄰居狂丟未熄煙頭。

50歲林子博遵從亡妻董燕君遺願,今年8月底帶同16歲長女詠渝及12歲細仔卓楠移民英國,至今生活已安頓下來,一家在曼徹斯特落腳。對於半百人生先嚟適應新生活,子博被讚有勇氣:「佢兩個係我最寶貴最親嘅人,所以點樣改變都冇所謂,最緊要佢哋喺我身邊。」


^愛親子樂 林子博帶小朋友去嘉年華,入面3杯雪糕只係港幣50蚊(5英鎊)。

林子博移民英國初期波折重重,尤其抵英一個月後仍跟子女住喺曼徹斯特的酒店,由於酒店並非有效的住址證明,子女遲遲未能報讀學校被網民鬧爆。後來全家人又搬到到郊區諾域治,惟因未能為子女報讀學校,無奈又搬返去曼徹斯特,家子博以月租1,100英鎊(約1.2萬港元)搬入一個全新嘅3房公寓單位,內裡有齊傢俬電器包車位,不過由於用料較差甩漏處處,!

怕得重症帶仔去打針

不過講到最令子博不滿是非常冇品的樓上住客,「屋苑內冇華人,我住喺低層,但露台成日發現未熄嘅煙頭,樓下公家空地更加係重災區,真係嬲到爆。我惟有攝字條去住戶信箱,提醒樓上住客唔好亂拋煙頭!如果樓下火燭樓上都走唔甩,我唔係挑釁都係講道理啫!」除此之外,英國至今(截稿前)有32宗新變種病毒Omicron確診個案,子博日前同阿仔都去咗打疫苗,「都冇得話驚唔驚,而係控制唔到,最驚反而係呢度啲人唔戴口罩,學生除咗中招唔使返學,學校規定病住都要上堂,但佢哋又唔戴口罩,真係幾大鑊,所以要去到打針呢步,就算預防唔到,都唔想受感染後得到重症。」

久不久幫襯中式超市

子博強調全家人出外都有戴口罩,亦好少去人多擠迫嘅地方。「之前詠渝及卓楠交叉感染發燒唔退,英國冇乜人睇私家醫生,多數買成藥搞掂。」英文麻麻嘅子博為咗子女努力適應新生活,「冇問題喎,我哋上一代咪就係咁有冒險精神落嚟香港,每個人移居都係想追求另一種生活。卓楠讀緊year 8,詠渝就讀專科學校,兩個都識到啲新朋友,詠渝仲搵到排舞室學跳舞,大概4至6蚊英磅一堂(約41至62港元),收費算平。而我做地產公司主持直播都出咗第一份糧,一家人出咗去食飯慶祝,如果唔係成日出街食飯份糧都夠使,呢度一包大雞扒有12塊只係賣30蚊港元(3英鎊)咋,真係開心價,家兩父子會喺屋企煮飯,首選食較平嘅地道嘢,食到悶悶哋先會去中超買餸,相對菜芯等中式嘢價錢較貴。」


^環境唔錯 子博租住嘅新居景觀唔錯。


^英式早餐 英式早餐都係港幣50蚊(5英鎊)一份,都好大份量。

^英國初雪 英國落初雪,子博同仔女睇雪景。

^一家四口 3年前,一家人喺芬蘭睇雪景,當時太太Shirley仲好健康。

^簡單下廚 為咗慳錢子博會留喺屋企煮飯仔,都係簡單煎焗。

^食乜都有 市中心乜都有得食,日式拉麵港幣80蚊(8英鎊)一碗,平過香港。

^開心返學 囝囝終終有得返學,仲識到新朋友。

^適應生活 卓楠及詠渝相當適應英國生活,表現興奮。

^家當到達 子博的28箱家當運咗3個月終於到達。

採訪:方騫平

頭條日報授權轉載

熱門文章

方媛分享女兒功課疑揭母女「約法三章」 郭富城堅持與妻女以廣東話交流
03-07
女子帶遇車禍、終生不能自理前夫改嫁 現任丈夫分擔照顧 餵飯、幫忙洗澡無怨無悔
03-07
病房陪愛兒3日直至去世 媽媽傷心辦喪禮 突然收到兒子訊息 結局超荒謬
03-06
唔怕改壞名︱2024 香港熱門中英文名字 榜首原來係呢個名...
03-08
天瑜腸道蠕動失調 暫時只能注射葡萄糖水 爸爸歷55次電療 癌指數已回復正常水平
03-08

楊思琦11歲大女遺傳爸爸顏值運動細胞 參加武術比賽勤練習身手了得
2024-03-29
媽媽街頭穿羊水等不到救護車哀號求助 熱心男神救援幫接生脫衣包BB
2024-03-29
陳展鵬愛女小豬比5歲生日! 廿四孝爸爸大搞Party慶祝 全因囡囡9個字願望
2024-03-29
9歲男孩每年亡母生忌帶蛋糕拜祭 「想和媽媽慶祝生日」孝心感動網民
2024-03-29
黃美棋結婚丨昔日童星被搶先披露婚期 親回公司派喜帖心情靚爆
2024-03-29
國產兒童「近視神藥」阿托品開售 醫生提醒不能盲目擅使用
2024-03-29
查看更多   ▸