梅艷芳 姨甥接受電台訪問分享現況:希望大家望住星星會記得她們

2021-12-05


電影《梅艷芳》上映以來叫好又叫座,與梅艷芳失聯21年的梅愛芳長子潘文皓亦有留意電影,日前被網民發現在Facebook表示自己看了《梅艷芳》3次,並寫下了一些感受。港台節目主持車淑梅,日前成功透過長途電話專訪身在加拿大的文皓,他表示自己一直以來都不知道姨姨梅艷芳在尋親,否則就會跟爸爸和弟弟回港探親。

在日前電台節目《舊日的足跡》中,主持車淑梅成功找到身在加拿大的潘文皓,並跟你進行了訪問。潘文皓指,自己一共進戲院看了《梅艷芳》3次:「第一次嘅感覺難以形容,長期處於想流淚同流緊淚嘅狀態,再睇第二次、第三次都有唔同嘅感覺,有好多地方好感動。當見到媽咪同姨姨喺舞台表演嘅時候,我眼淚不禁流落嚟,我可以親眼見到佢兩個寶貴嘅姊妹情,我細個嗰時見唔到嘅……媽咪走嘅時候我七歲,姨姨走嘅時候我11歲,我唔喺佢身邊。」他又指,有一天他跟電影女主角王丹妮通電話:「當時佢喺香港嘅戲院謝票,透過視像講咗幾句,佢戴上口罩眼神好似(姨姨),嗰陣時我好感動,有機會真係想同佢傾多幾句。」

潘文皓透露自己從六年級開始就在溫哥華生活,當知道有《梅艷芳》這部電影時,就知道一定要入場看,因為知道電影裏一定有很多他不知道有關媽媽和姨姨的事:「印象中,媽咪(梅愛芳)係一個好稱職嘅媽咪,好俾心機教我同細佬,腦海裡邊好難想到一個畫面佢鬧過我哋。佢係一個好積極樂觀嘅人,遇到乜嘢難題都係笑住面對,正如電影情節一樣。姨姨係一個好直、好有為、好堅強嘅人,佢好鍾意講笑令身邊人開心,時時刻刻為人哋設想。細個嗰時我有少少驚佢,因為佢把聲好有力量同埋威嚴,有冇俾佢鬧過我唔記得,但係我真係有少少驚佢,我知道佢係大明星,佢係個永不放棄嘅人,電影中佢話『只要有信心、世上無難事!』呢一句正正喺佢生命話俾我哋聽。」

潘文皓表示,自己一直以來都不知梅艷芳姨姨有尋親,如果一早知道的話,爸爸肯家會帶他回港探親:「我只係呢一排先知道……當年我哋唔喺香港,唔知佢搵我哋,如果知道,爹哋一定會帶我同細佬返嚟見佢,所以當我知道佢一直有心搵我哋,亦係佢臨終前一個心願,我真係覺得好難過。我而家大個咗,可以幫佢完成心願,即係佢可以搵番我哋喇!其實呢兩三年,我有同姨姨嘅fans 聯繫返先至知道有呢套電影,我先至知道有呢一件事,係佢哋話俾我知……」

現年28歲的潘文皓亦有訪問中交代現況,指自己已有穩定女朋友,未婚,正從事IT工作;而弟弟正從事電影後期工作,爸爸潘立德身體亦非常好:「如果可以,我嚟緊呢半年內會返,上次2017年返過嚟,今次我會探婆婆,佢98歲,我好想返去見佢。」他坦言從電影中得知媽媽梅愛芳一直以來的心願是他跟弟弟可以好好成長,而他們已經做到:「姨姨講過希望有一晚,大家食完飯出去望住星星嘅時候,會記得佢,一個曾經為我哋帶來小小歡樂嘅朋友,會記住佢個名叫做梅艷芳,我會一路一路記住佢哋,永遠永遠以佢哋為榮!」

來源:港台節目《舊日的足跡》

更多文章:

梅艷芳生前最遺憾未能與姨甥團聚 梅愛芳之子21年後終現身懷念媽媽和姨姨

梅艷芳|王丹妮24歲當單親媽媽 曾揚言不再談戀愛 遇現任丈夫將女兒視如己出

梅艷芳 | 親兄梅啟明評王丹妮演出僅僅合格 批電影缺家庭感覺 覺得內容應提及梅媽

梅艷芳|梅啟明入稟向安樂影片索賠 指控《梅艷芳》電影侵犯商標

熱門文章

方媛分享女兒功課疑揭母女「約法三章」 郭富城堅持與妻女以廣東話交流
03-07
女子帶遇車禍、終生不能自理前夫改嫁 現任丈夫分擔照顧 餵飯、幫忙洗澡無怨無悔
03-07
病房陪愛兒3日直至去世 媽媽傷心辦喪禮 突然收到兒子訊息 結局超荒謬
03-06
唔怕改壞名︱2024 香港熱門中英文名字 榜首原來係呢個名...
03-08
天瑜腸道蠕動失調 暫時只能注射葡萄糖水 爸爸歷55次電療 癌指數已回復正常水平
03-08

東涌火人傷貓死│女戶主用淘寶火槍煮食洩火釀禍 二級燒傷命危
2024-03-29
復活節.多圖︱福田口岸人如潮湧 市民嫌香港景點無新意:疫情時玩厭晒
2024-03-29
楊思琦11歲大女遺傳爸爸顏值運動細胞 參加武術比賽勤練習身手了得
2024-03-29
媽媽街頭穿羊水等不到救護車哀號求助 熱心男神救援幫接生脫衣包BB
2024-03-29
陳展鵬愛女小豬比5歲生日! 廿四孝爸爸大搞Party慶祝 全因囡囡9個字願望
2024-03-29
9歲男孩每年亡母生忌帶蛋糕拜祭 「想和媽媽慶祝生日」孝心感動網民
2024-03-29
查看更多   ▸