英國寄宿學校︱考天才的伊頓入學題︱Samuel Chan

2021-12-20


考得入伊頓公學(Eton College)其實已經算係天才,但如果能夠在入學前成功考獲他們出晒名變態無敵難的 King’s Scholarship Awards,就更加是天才中的天才。

求其攞咗份 King’s Scholarship 歷屆試題望望,睇完我就知自己投胎做多十次人都唔會有望考到呢個 scholarship。見得閒冇嘢做,就喺度同大家探討吓 King’s Scholarship 嘅其中一條題目。預備好的話,係時候punish your brain。

每年 King’s Scholarship 的考試都分兩部份題目,亦即是所謂的 General 1和 General 2。這個名字起得真好,話就話 General,但其實愈 general 往往愈唔知點答。每年 General 2 的第二條題目,都是要考生為一個字寫大約七百字。甚麼叫做「為一個字寫七百字」?Write 700 words to respond to Beauty 便是其中一年的題目。另一年的題目,這個 beauty 變成了 envy,再下一年是 courage。

要考這個 King’s Scholarship 的大前題是你必須已經成功考入伊頓,亦即是你冇番咁上下水平的話,連這個 scholarship test 的入口都看不到。至於點解呢個考試會問埋晒啲無聊題目?原因好簡單,伊頓收得你,其實就係想發掘一啲畢業後可以成功跨入牛津劍橋校門的學生,而劍橋哲學系考試出咗名就係鍾意叫人坐喺個試場三個鐘純碎為一個字大造文章。

呢類型題目應該點答?要我教你,等於問道於盲,所以我請教了Gateway神級老師 Anthony Lee。

話說,我今年有個學生成功入咗伊頓,最近就準備挑戰呢個 King’s Scholarship 考試,而呢位學生就係搵咗 Anthony 老師幫佢補習。Anthony 喺英國唔係喺課室或者屋企幫人補,而係喺私人飛機或者兩億一艘嘅豪華遊艇補。據聞,佢以前嘅客人都係福布斯有排名嘅富豪,包括俄羅斯油王,所以佢試過左手揸住魚子醬、右手揸住原子筆幫富二代補習。唔係猛龍又點會過江, Anthony 加盟Britannia Gateway,學生已經多到應接不暇。

乜嘢係 beauty,我應該點答?Anthony 話好多人諗到嘅給論就係「外在美比內在美重要」,之但係十個有九個都會咁答。如果我就係如此膚淺,淨係諗到咁嘅答案咁點算?如果覺得老鼠拉龜,Anthony 提議了兩個可以參考的方向。

最有型的結論往往就是簡單一句:根本唔存在。Beauty 根本不存在、courage 根本不存在、envy 根本不存在。說一句「不存在」很易,難就難在如何得出這個結論。考官想看考生的「個人想法」,而不是「個人心得」,但個人得來又要具備客觀的證據支持。證據要夠動人,個人的觀察力和見識便是關鍵。

Anthony 舉了 beauty 為例:「以前的歐洲女子喜歡把臉龐塗得白白的,這就是她們當時的美;現在的歐洲女子又曬太陽又照燈,求的就是一身古銅,這是她們今天的美。引出的論點是,原來我們所謂的美,就是某班人處於某個世代的主觀原則,而這個原則引導著我們相信並認為甚麼是「美」,卻從來不是我們由心而發的觀測。我們想盡辦法保存一件物件的完好無決,因為任何破爛了的東西都只會是醜而不會是美。但為甚麼明明 kintsugi 是一件破爛了的藝術品,卻竟然被譽為一件美的珍藏?既然醜也可以是美,這個世界到底有沒有美?」

好都可以講到壞,孿都可以拗到直,這就是伊頓致力培育的思維,難怪這所學校出了19位英國首相。

作者:Samuel Chan

圖片:伊頓公學校網

其他閱讀:

英國教育︱人生如棋 落子無悔︱Samuel Chan

教育的真諦│輸得起的父母 │Samuel Chan

熱門文章

如何避開選擇 夏令營 的3大陷阱?|英國Leo老師
03-05
英國升學 │ 蘇格蘭 考試制度 │ 國際教育這條路
04-30
英國大學 升學 | 用Foundation 課程升學的優勢及方法 | 大衛叔叔
01-10
【國際教育這條路】認識荷蘭學制: 從幼稚園到大學
10-28
【讀醫讀law須知】大學熱門學系 A-level揀科攻略
09-04

英國10大最佳 職業治療 學院|國際教育這條路
2024-03-28
英國初中 (Year7-Year9)入學16條常見Q&A:英語學習/課堂學習/輔導功課/學校紀律問題
2024-03-27
體育老師 教數學這個概念正式入主英國中學!|英國Leo老師
2024-03-26
升讀海外頂尖大學或本地神科 先轉讀本地 國際學校 |陳筱芬教育博士
2024-03-25
英國10大最佳 建築 學院|國際教育這條路
2024-03-21
英國小學 沒有功課排名?怎樣有效與本地老師溝通?甚麼是主科分組?SAT的重要性?英國老師逐一拆解8大常見問題
2024-03-18
查看更多   ▸