團年飯 食譜|9款 新年食譜 +兩大浸發花膠方法 團年飯、開年飯必備!

2022-01-18


尚有大約兩個星期又到農曆新年,除了辦年貨外, 團年飯 、開年飯也是農曆新年前後十分重要的新春活動!不過第五波疫情尚未明朗,今年不能外出吃團年飯、開年飯,需要在家過年。《Oh!爸媽》便為大家整合了一系列 新年食譜 及浸發花膠方法!大家袋定幾個食譜落袋,準備新春菜式便更得心應手!

1. 新年食譜|事前準備

2. 新年食譜|團年飯/開年飯必備菜式

 

1. 新年食譜|事前準備

兩種浸發花膠方法

花膠是常用的 團年飯 食材,不論是湯水還是賀年菜都會用到,預先浸發好放在冰箱,隨時用得!

方法1:先蒸後浸

花膠用薑蔥放面,入蒸爐或者隔水蒸25分鐘,完成後放入水中浸過夜,途中換水兩次,第二朝就可以發大一至兩倍。

方法2:先烚後浸

水滾後放入薑蔥同埋米酒,加入花膠,煲10分鐘,熄火再焗15分鐘, 完成後放入水中浸過夜,途中換水兩次,第二朝就可以發大一至兩倍。

 

詳細食譜:在家煮賀年菜︳2種浸發花膠方法

影片教學:按此

 

2. 新年食譜|團年飯/開年飯必備菜式

無論係團年飯定開年飯都應該食好啲!以下便有幾款賀年菜食譜不但充滿好意頭,不但有傳統必食的新年菜式,亦有一些由經典菜式改變而成!

 

團年飯 食譜| 黃金焗蠔缽

金黃色代表黃金滿屋,夠晒好意頭!加上自己整啖啖蠔仔,超足料!

材料:
1. 蠔仔 1/2斤
2. 雞蛋 4隻
3. 雞湯 200ml
4. 油炸鬼 1/2條
5. 鹹蛋黃 1隻
6. 果皮 1塊
7. 鹽 1/4茶匙
8. 胡椒粉 適量
9. 麻油、芫茜、蔥 適量

做法:
1.  蠔仔用清水浸洗去蠔殼,加入2茶匙生粉,輕輕摔蠔仔洗淨,用滾水灼蠔仔30秒,盛起瀝乾水份。
2.  果皮浸軟去囊,切碎。油炸鬼切小塊,鹹蛋切粒。芫茜切碎,一同放在缽仔底部。
3. 雞蛋加入鹽和胡椒粉打散,拌入雞湯。過篩倒入缽仔中,放上油炸鬼。
4. 蓋上保鮮紙,大火蒸15分鐘。
5. 取出除去保鮮紙,在油炸鬼上撒上麻油,放入焗爐200度焗5-8分鐘至表面金黃色即成。

詳細食譜:賀年食譜︳黃金焗蠔缽

影片教學:按此

 

團年飯 食譜 | 鮑魚黃金雀巢

賀年菜不一定步驟繁複,呢個鮑魚黃金雀巢15分鐘搞掂!脆卜卜嘅麵餅加上鮑魚,可以話係零失敗賀年料理!

詳細食譜:賀年食譜︱鮑魚黃金雀巢

影片教學:按此

 

團年飯 食譜 | 芝士黃金蝦球

酥脆香口的芝士黃金蝦球,寓意新一年笑口常開,人人都笑哈哈!加上使用焗爐免油炸,沒有一般的賀年菜油膩,就連小朋友偶爾放縱食多兩粒蝦球都唔驚!

材料:

1. 麵包糠—60克
2. 蝦膠—200克
3. 蛋液—2隻
4. 芝士—1片
5. 麻油—1茶匙
6. 胡椒粉—1/2茶匙
7. 魚露—1茶匙
8. 生粉—1茶匙

做法:

1. 將蝦膠與調味料拌勻。芝士切粒。
2. 先將手濕水,拿起適量蝦膠搓圓,中間按洞,放入芝士,捏實封口,搓圓。
3. 放入蛋液中,再取出蘸麵包糠,再放入蛋液中轉一圈,再取出蘸滿麵包糠。
4. 放上已鋪上烘焙紙的焗盤上。 每顆蝦球如此類堆。
5. 放入已預熱180度的東芝水波爐中焗20分鐘,之後再用攝氏200度焗5分鐘至上色便完成。

貼士:

1. 可以伴以沙律醬或茄汁同吃。
2. 12-24個月小朋友可以不下調味料,一樣鮮味。

詳細食譜:【新年健康煮意】免炸零油酥脆芝士黃金蝦球-附食譜

 

團年飯食譜︱健康版撈起

撈起係傳統賀年菜式之一,一般用魚生來做,呢個健康版撈起便用無麩質意粉及羽衣甘藍等食材製成,色彩繽紛,小朋友都食得!

詳細食譜:【梁雅琳】新年‧撈起

 

團年飯食譜 | 鮑魚花螺燜雞

聽個名都知道用足料,過年食就啱晒!

材料

1. 雞塊 250克
2. 花螺250克
3. 鮑魚 8隻
4. 薑 10片
5. 蒜 8瓣
6. 葱 2條
7. 糖 4克
8. 米酒 2湯匙
9. 柱候醬 2湯匙

醃料

1. 蠔油 2湯匙
2.鹽 3克
3. 糖 3克
4. 料酒 2湯匙
5. 生粉 2湯匙
6. 油 3克
7. 胡椒粉 5克

詳細食譜:賀年食譜︱鮑魚花螺燜雞

影片教學:按此

 

團年飯 食譜 | 鮑魚海參炆冬菇

鮑魚海參炆冬菇差不多是家家必備年菜,大家要袋定呢個食譜落袋啦!

材料:

1. 罐頭鮑魚 6隻
2. 已浸發好嘅海參 3條
3. 冬菇 10隻

調味料:

1. 生抽 3湯匙
2. 老抽 1 湯匙
3. 蠔油 2 湯匙
4. 冰糖 15g

打芡:

1. 生粉 1茶匙
2. 水 少許

做法:

1. 冬菇預先浸軟身。
2. 熱油鑊爆香冬菇,加入冬菇水、生抽老抽、冰糖和適量水份,蓋上蓋炆15分鐘。
3. 15分鐘後加入已發好的海參,再加入少少罐頭的清湯、蠔油,蓋上蓋炆15分鐘。
4. 最後10分鐘先至放入鮑魚,最後打芡便完成。

詳細食譜:賀年食譜︳鮑魚海參炆冬菇

影片教學:按此

 

團年飯 食譜 | 冬菇炆鴨掌

除了炆雞、炆海參,當然仲有炆鴨掌啦!材料做法都十分簡單!

詳細食譜:賀年食譜︳冬菇炆鴨掌

影片教學:按此

 

團年飯 食譜 | 賀年翠玉福袋

年菜大魚大肉,但都需要素菜清清腸胃,呢個 新年食譜 賀年翠玉福袋就啱晒啦!

而且呢個賀年翠玉福袋更可以處理偏食問題!將小朋友不太願意進食的食材切細、磨蓉,混入這個福袋,悄悄地解決孩子的偏食問題!

材料:

椰菜 8片
木耳 適量
南瓜 2瓣
粟米 半棵
紅椒、黃椒 各半個
白菜 適量
腰果 適量
葱 8條
油 適量
鹽 適量

做法:

1. 蔬菜用小梳打浸泡,之後用熱水焯大約1分鐘,去除農藥
2. 木耳浸軟備用
3. 將木耳、南瓜、粟米、紅黃椒、腰果和白菜等食材切粒備用
4. 將已切粒的食材炒熟,落鹽調味
5. 將已煮熟的食材餡料包在鋪平的椰菜中,並以韮菜或葱綁好
6. 將福袋放好在碟上,隔水蒸5分鐘

詳細食譜:【Candy】新春食譜: 賀年翠玉福袋

 

團年飯食譜︱四喜烤麩

四喜烤麩係上海傳統過年菜,啱晒有素食者嘅家庭!

詳細食譜:【賀年食譜】上海傳統過年菜 四喜烤麩

影片教學:按此

 

其他閱讀:

賀年糕點 食譜︱12款賀年糕點、小食食譜合集

親子食譜︱ 紫薯椰皇燉蛋白

親子食譜︱金沙鹹蛋黃雞翼

【新年裝飾】教你輕鬆親手製作 10款利是封裝飾

熱門文章

家常小菜 | 可樂排骨
05-18
家常小菜|李司棋製南瓜蝦仁鍋貼 金黃香脆
05-13
蕃茄薯仔豬骨湯 食譜|一個簡單食材增清甜味【小小豬】
02-05
去濕湯 合集 |30款清熱消腫簡單易煲排走體內濕氣
04-06
10大解燥養顏海底椰湯水食譜
12-10

夏天湯水 ︱花旗參石斛椰皇栗子湯 清熱生津、養顏潤膚!
2022-04-26
湯水食譜︱清熱潤肺 西洋菜豬骨湯
2022-04-12
去濕湯 合集 |30款清熱消腫簡單易煲排走體內濕氣
2022-04-06
春天袪濕 │中醫師推薦5款湯水 茶飲 健脾袪濕養肝
2022-04-01
袪濕湯水 ︱清熱、解毒、袪濕 土茯苓鑽地老鼠袪濕湯
2022-03-28
【止咳潤肺】15款潤喉止咳湯水合集
2022-03-04
查看更多   ▸