網絡熱話 | 幼兒嚎哭15分鐘接鄰居投訴憂虐兒 家長:可否投訴番佢滋擾
2022-01-10
近日虐兒事件頻生，有網民在「香港討論區」發文，抱怨樓下鄰居多管閑事，聽到小朋友的嚎哭15分鐘就向管理員投訴是否虐兒。
發文者說，某日上午11時左右，育有2歲小朋友在家中哭鬧，哭了一段時間，大約15分鐘後大廈管理處就有職員詢問，稱有人投訴單位內是否有人虐兒，要多關心小朋友。發文者又稱，樓下居民已經不是第一次投訴噪音，之前小朋友嬉戲時笑得大聲，又曾投訴要求將聲量收細。
發文者認為，自從從低層搬家至較高樓層後，下一層的居民就不時投訴，以前都無人投訴過。「我哋係咪可以投訴番佢哋，成日投訴嚟滋擾我哋。」
發文者又認為，「小朋友扭計喊好正常囉，唔通下下一喊就去氹佢，我哋好難教囉，又唔係凌晨喊，下次係咪可以叫佢哋直接報警睇吓我哋係咪虐兒。真係好煩呢啲鄰居。」發文者又說，「我小朋友喊時間唔長，根本唔大聲，去到差館我係咪可以告佢誹謗，佢話我虐兒…一個月幾次投訴我覺得我都受到滋擾了。」
不過網民留言指出，「就算警察得閒，無見到實質證據，都唔會因咁少事帶你返差館，而誹謗係民事，要你自己私人搵律師告。可能人哋係通宵工作，就係被你小朋友大叫幾聲嘈醒瞓唔番，然後無精神工作，人哋覺得受滋擾，有權向管理處投訴，而你多多少少的確有滋擾到人，唔投訴你係人情，投訴你係道理，你有唔啱在先仲想反告人誹謗，我真係唔知乜道理」、「其實嘈唔嘈真係唔係你話，當家家戶戶都無呢個問題，淨係你有呢個問題，嘈嗰個一定係你。」、「鄰居睇唔到你小朋友做乜喊，仲係唔止一次半次，佢哋以為你虐兒先通知管理處。」
帖文轉載自《隔離投訴小朋友喊》
頭條日報授權轉載
其他閱讀：