兒童健康 | Coffee囝囝上唇紅腫慘變鴨嘴 牙醫揭伯伯一個習慣致蛀牙生牙瘡

林芊妤（Coffee）早前在社交平台分享兒子翟德彥（伯伯）上嘴唇紅腫，如中了「面目全非拳」，令人睇到又心痛又好笑。Coffee昨日再出post，指終於找到伯伯上嘴唇紅腫的真實原因，原來是因為蛀牙形成牙瘡。

早前指因為伯伯上唇紅腫，Coffee怕兒子「抖唔到氣」，便帶了伯伯去醫院看醫生，其後又在帖文下澄清伯伯非生皰疹。第二日伯伯面部消腫後，牙齒突然發黑，牙肉都腫了一個圓形，醫生都沒有提及關牙齒事，只是話食完藥就會好番，「一開始以為嗰個就係令到佢發炎嘅傷口，佢又已經食緊消炎藥諗住由佢好番，所以我同老公都唔知係乜嘢嚟。」

相關文章：兒童健康 | Coffee囝囝口腔發炎嘴唇又紅又腫 伯伯變樣如中面目全非拳

蛀牙導致生牙瘡 

她把伯伯的故事分享到網上後，收到很多媽媽的私訊，最後終找出成因－生牙瘡，Coffee更感謝一位做牙醫診所的女士和她分享生牙瘡的嚴重性，「可能係曾經撞到、牙齒倒及生或者蛀牙，都會導致生牙瘡，同埋原來唔根治個根源，佢嘅牙瘡會不停復發同導致要剝牙。」

Coffee得知後便馬上找牙醫，但很多牙醫都不收五歲以下的小朋友，多得一眾媽媽網友和她說「牙科有分兒童牙齒專科同普通牙科」，又為她推廌醫生，最後Coffee昨日帶了伯伯見兒童牙科醫生，醫生指伯伯之前牙齒崩了是因為蛀牙，面腫是因為有蛀牙生牙瘡。