【80後媽咪】媽媽，多謝妳 ！
2016-05-10
今年0既母親節
真的忙昏了， 我居然忘記啦…..
直到星期五，What’s app 群組響起來，話要約飲茶才醒起…
原來，咁又一年了….
像往年一樣，我們一家大細， 跟婆婆飲茶
其實櫈都未坐暖
我又趕頭趕命的要湊小朋友去學游水
真心覺得
我咁樣0既母親節， 真係超冇誠意， 又冇深度…..
0係呢度，真係要同婆婆講聲
對唔住哦….
枉你含辛茹苦咁湊大我
而我…..就連母親節…..都hea住同你渡過!!!!
講完我媽媽
再講下我o既奶奶
我奶奶份人， 其實真係超級好架
份人又乜都冇所謂，我地話乜就乜，非常咁順得人意
我有時覺得， 自己間中都會…..唔經唔覺蝦咗佢架….
母親節0既0個一朝
當我同緊我娘親飲茶0既時候，突然諗起….
慘慘豬啦…. 二叔二嫂一家又去咗旅行
我哋又陪緊我媽媽….
咁奶奶咪一個人，孤伶伶囉……
結果，母親節正日0個日，奶奶晚上要工作
我哋最後， 連同佢同枱食餐飯都沒有哦…..
真的，好對唔住我0既奶奶啊…..
以前未生前，成日都覺得，母親節趕完呢場趕0個場， 好攰
到生咗阿仔之後， 成日都覺得， 母親節我是主角
現在， 人大了，成熟了
可能做咗幾年人阿媽啦….
真心覺得，做母親真的超辛苦
我地0既母親，其實真係好好好好好值得敬重架
你知嘛…..
做人阿媽管接管送都不在話下
照顧小朋友生活起居飲食， 又要教佢哋做人0既道理
間中仲要受埋小朋友氣…..
縱使小朋友長大成人啦， 仍然係要擔心佢呢樣，又擔心佢0個樣
睇我阿媽就知啦…..
現在，我咁大個人， 每次遇上苦惱
只要我一按電話，講一聲：阿媽， 你幫我啦，BABY…
我媽咪就會隨傳隨到…..
又有時， 阿媽處理我0的嘢，處理得唔好， 我想黑面就黑面，完全唔留情面
你話…..做阿媽幾慘……
這些年， 其實我知道的
我發親媽媽脾氣，其實佢都只係敢怒不敢言
我諗…..我大概是大家的一個縮影吧….
睇到呢篇文章
衷心希望大家知道， 其實你地0既媽媽都一樣係咁慘慘豬架咋!!!!
我哋總係會將最壞0既脾氣， 發落最好0既媽媽身上
總係永遠要媽媽遷就著、包容著
而我哋卻一直認為， 這是理所當然的
其實…..唔係咁架….
佢唔一定要對我哋咁好架…..
佢對我哋咁好，只係因為佢好愛好愛我哋…..
0係呢度， 好想同我最愛0既媽媽講
對唔住哦…. 我知衰啦…..
會好好記住， 要錫你多0的，陪你多0的
媽媽….其實， 我都好愛你架….
只係， 我冇你咁愛我而已…..哈哈…..