梅艷芳 | 梅啟明稱梅媽被侄仔操控禁見面 查出幕後黑手已報警

2022-02-27


已故天后梅艷芳的母親梅覃美金(梅媽)和兒子梅啟明去年尾因電影《梅艷芳》涉侵權的訴訟而鬧不和,二人關係跌至冰點,梅媽早前更登報與梅啟明脫離母子關係,梅啟明事後指梅媽受人唆擺,二人關係才會決裂,自己亦遭到經濟封鎖。

今日母子決裂事件再有新進展,梅啟明承認梅媽曾講過要脫離母子關係,但只是晦氣話,一直都沒有行動,登報是由梅媽的看護鄭姑娘所為,鄭姑娘更向他暗示是受梅家親戚指使,故他已就此事向警方備案,梅啟明曾指過年前梅媽已不肯接聽他的來電,又留在醫院避見,但本月25日他收到梅媽電話,稱在醫院打了第一針新冠疫苗,出院後會搞清楚一些事,但不知她幾時出院,梅啟明說:「我當時順便問阿媽點解搞登報,她話不知,於是我去查證,發現登報的是阿媽的看護鄭姑娘,我問佢點解,佢只係同我講『唔關我事,你屋企有幾多人吖,你自己知』,於是我心中有數,係我細佬個仔,即係我侄仔梅柏麟,我哋一齊住,所以尋晚返去問佢,佢無答我,話要搵鄭姑娘對質。」

問到是否因為這樣,梅媽不再給他每個月2萬元的生活費?梅啟明答:「我都查出嚟,係侄仔喺背後操控阿媽。(他可以處理梅媽的財政?)財政的事我一直無理。(咁你點樣認為他操控?)好簡單,以往新年阿媽都會畀利是,今年就冇,而家阿媽喺醫院,佢(侄仔)同女朋友就成日出入醫院,佢係咪把心一橫,要做阿梅的翻版呢?所以我第一時間去報警。」

問到有否證據?梅啟明說鄭姑娘是人證:「我都想搞清楚件事。(你估計到他的動機嗎?)阿媽每個月廿幾萬,啲錢去咗邊?你哋都知我有幾多,按情理係有問題,但之前都無多諗,而家爆咗件事出嚟,我先要行呢一步,要搞清楚幕後黑手係邊個。」又說會要求醫院交出進出梅媽病房人士的出入紀錄,否則會投訴醫院及興訟,至於會否和侄仔心平氣和去傾件事?梅啟明說:「無得傾,佢一向目中無人,無大無細,我個仔同佢打招呼都頭岳岳唔理。(他對梅媽的態度好不好?)唔知,佢都40幾歲人,食飯仲要阿媽幫佢搣雞,但阿媽當佢係仔。」並謂警方已受理案件,他一定會追究到底,再問到不打官司是否會獲梅媽原諒?他表示等梅媽出院再慢慢傾官司的事。

獲頭條日報授權轉載

熱門文章

親子自助餐 | 8間親子自助晚餐推介 小童免費 + 生日優惠
07-06
趣聞|跟老婆吵架跑到外母家告狀 入屋後竟發現妹夫已入住4天
07-05
2女孩玩「窒息挑戰」死亡 美國家長怒告TikTok
07-06
體罰|小五生多次犯規被罰波比跳240次 家長起訴學校終獲賠4.3萬
07-06
第5波疫情︱增2815宗確診1人離世 BA.4個案比例明顯上升憂出現再次感染
07-06

兒童安全|海關呼籲停用一款兒童玩具槍 易傷到眼睛或面部
2022-07-06
九巴今辦長者免費乘車日 市民車廂掃碼盧瀚霆國際後援會即捐款
2022-07-06
200公斤台灣進口芒果有樣本驗出新冠病毒 食安中心悉數銷毀
2022-07-06
夫妻關係|成立爸爸日 照顧孩子一段時間 讓老婆得到真正放鬆|口罩男
2022-07-06
體罰|小五生多次犯規被罰波比跳240次 家長起訴學校終獲賠4.3萬
2022-07-06
第5波疫情︱增2815宗確診1人離世 BA.4個案比例明顯上升憂出現再次感染
2022-07-06
查看更多   ▸