孩子染疫|2歲半仔確診發燒致腦炎腦水腫 港媽提醒小朋友發燒要睇緊啲
2022-02-28
^示意圖
本港第五波疫情仍未見頂,確診數字未見回落,疫情中更有多名兒童染疫,病情嚴重或危殆,引起社會各界關注。近日就有港媽在Facebook群組出post,分享2歲10個月兒子因確診而引發腦炎、腦水腫,呼籲如孩子情況危急,一定要立即帶子女去公立醫院求醫。
港媽在Facebook群組「肺炎媽媽自救寶寶區」出post,指2歲10個月大的兒子在2月21日下午4時開始發燒,食了退燒藥,未見有效,直到晚上11點幾終於退燒,胃口精神尚可,便便順利,半夜睡覺,媽媽聽到兒子發出咕咕聲,但退燒藥效過了又再次發燒。
第二日兒子持績發燒,去到下午1點20分左右暈倒,「(兒子)突然『呀』左一聲,就暈咗,開始出現抽筋,抽筋期間,全身登直,我奶奶即時放手指佢比咬住,因驚佢咬到自己,最後我奶奶隻手指流晒血,我地即刻開車入醫院,經過搶救,確診中咗 Covid 19, 仲引發腦炎,現在喺深切治療部仲未醒返」。