網絡熱話｜父患腦退化 快測呈陽性照出街 家人苦勸不果:佢話賣樓交罰款都要外出
2022-03-11
^示意圖（圖片來源：《香港愛情故事》劇照）
由於疫情嚴重，有唔少人為了減低感染風險都會減少外出，有網民出post指爸爸患有腦退化症，變得頑固，早前快速檢測後結果確診了，但每日仍堅持要外出，便向網友查詢該怎麼做。
事主在「香港討論區」出post，指爸爸患有腦退化症半年了，人開始變得頑固，爸爸早前做了快速測試，結果呈陽性，但每日都堅持要落街攞報紙買早餐。爸爸在第一日偷走出街；第二日全家人「撳住」爸爸，阻止其外出時，他不慎跌倒，最終要入醫院，事主本以為爸爸入了醫院，可以在醫院隔離，有人照顧，又不會傳染給媽媽，沒想到「點知我老豆在急症室等咗一個通宵，俾咗藥佢就回家了，而我媽都變咗陽性。」
到第四日（8日）爸爸仍堅持落樓，阻止他時，爸爸揮拳相向，事主唯有報警，警察最終在街邊找到他，「警告佢今次俾一次機會佢，唔罰款，但下次再出門口就要罰款同有機會坐監」，結果爸爸話賣樓交罰款都要外出，直言「唔可以限制我自由」，事主表示驚訝，「我聽到呆咗，無自由無寧死嘅決心大到咁，我話佢咁做會惹到其他老人家，其他老人家會死，類似嘅說話都無用。」
其他文章：網絡熱話 | 公司要求員工自費每日做快速測試 唔驗唔俾返工 打工仔:變相減薪
事主其後表示全家都確診了，自己無晒辦法，不知怎樣好，有網友安慰事主，「有腦退化都無計」、「睇開啲，呢個世界係乜人都有，改變唔到」，「依家預咗通街都係中咗招嘅人，分別係佢哋自己知定唔知…」、「腦退化，無辦法啦，口罩帶好勤消毒」、「真係唔知可以點，唔通困住佢咩」。
來源：香港討論區