網絡熱話｜女子行街被陌生男跟蹤疑偷拍 寫紙仔求助 獲店員及其他客人解困
2022-03-18
^示意圖(左為《香港愛情故事》劇照)
一個人單獨外出時，若遇上被人跟蹤的情況，或會感到無助驚慌。近日有女士行街時，遇上陌生男子跟蹤，只能走到店舖向店員求助，幸好店舖職員和其他客人出手相助，化險為夷，護送女士離開。
旺角一間鐘錶專門店在Instagram專頁「vintagewatcheshk」出post，表示昨日有名女客人拎手錶上門市更換電池，由於人手有限，故請女士留下手錶及聯絡方法，待處理好再通知她到場拿。約半小時後，女客人上門拿手錶，一名身穿灰色衫的男子緊隨其後。
店員本以為兩人相識，但又見女客人面有難色，「客人行到邊，灰衫男都跟到貼」，由於店舖面積細小，又有數名客人在場，男子的行為格外顯眼，店員便上前查詢女客人及灰色衫男子有甚麼需要，女客人細細聲指想要紙筆，其後寫下「唔好意思！我俾灰色衫男人跟蹤。」
女事主向店員求助。（圖片來源：vintagewatcheshk）
灰衫男見事敗即離開現場，女客人鬆一口氣，向職員透露這名灰衣男此前已跟蹤她去過兩間店舖，期間男子手持電話扮講電話，應該是進行偷拍。最後女客人由另一對情侶客人護送離開至安全地方。店員在帖文中大讚女事主警覺性高，「有事唔好怕，要出聲先幫到你！而身邊嘅人都唔好怕，可以多口問句有咩可以幫到手。」
網民紛紛表示「多謝你哋幫手！好人有好報」、「好醒目個女仔」、「行路千祈唔好只顧住撳電話，一定一定要留意身邊人事」、「女仔真係去到邊都要小心，同埋諗辦法離開對自己不利位置」、「唔只女仔要小心！係人都要小心！」。
其他文章：