人情冷暖｜兩老染疫同住兒怕中招想搬走網民嘆:無諗過有人忍心由得兩老自生自滅

2022-03-28

^示意圖（《愛回家之開心速遞》、《香港愛情故事》劇照）

疫情下看盡人情冷暖，近日一名網民出post指朋友的哥哥在得知父母「中招」後，打算自己搬出去住，更直言如果可以的話會盡快飛去外國，「唔想留喺香港照顧兩老」，令網民大嘆「無諗過有人可以咁忍心對自己親生父母」。

近日有網民在「香港討論區」出post，指故事的主人翁是朋友的哥哥，哥哥與父母同住，而朋友則是婚後沒有和父母一起住，疫情加上有小朋友後，基本上連街都唔敢去。朋友的父親在上星期確診留在家中做家居隔離，哥哥就叫父親在他的房間睡，以免傳染給大家。

之後母親亦確診了，哥哥就叫父親搬回和母親同一間房睡，「以為佢阿哥會入房消毒之後自己瞓番房，但係佢又無咁樣做，反而選擇繼續瞓廳」。直至日前哥哥表示怕自己也會「中招」，「想搬走出去酒店住一排或者睇吓有無朋友肯借間屋俾佢住，想由得兩老自己喺屋企自生自滅…」。

其他文章：東張西望｜確診外傭被僱主逼瞓垃圾房流落街頭幸獲義工收留

網民指朋友的哥哥本身一直在外國工作，因為有私人事要處理才返香港，直言「如果可以飛番嘅話會盡快飛番去外國，唔想留喺香港照顧兩老」。朋友見此便向網民查詢有沒有酒店可以讓哥哥入住，「但因為佢阿哥都有報自己做密切接觸者。根本唔會有酒店肯俾佢住，加上佢未完隔離令都唔可以出街，我朋友就話咁睇吓有無人有吉屋可以借俾佢阿哥住一陣先。」

朋友哥哥的行徑令網民咋舌，指無諗過有人可以咁忍心對自己親生父母，「父母病咗唔係打算照顧佢哋到好番反而係想由得佢哋自生自滅」。文章引起熱議，有不少人都指哥哥不孝，返香港為了慳錢又會諗起阿爸阿媽，無人情味，「聞說仔女有啲係來報恩，有啲係來攞債」、「當遇到災難時，人的自私本性就會表露無遺 !」、「大把呢啲人啦，唔趕佢父母出街已經唔係好差架嘞」。但亦有人指「家家有本難念的經」，外人難下定論。