網絡熱話｜18歲仔愛上23歲外傭姐姐 開明港爸不介意姐姐做新抱
2022-03-30
^示意圖 （《愛·回家之開心速遞》劇照）
香港有不少家庭都有請外傭姐姐，假如你的孩子和你說喜歡上家中的外傭姐姐，你會有咩反應？一名爸爸在網上發文指18歲兒子愛上了23歲的外傭姐姐姐，自己和妻子都不反對，向網民查詢應否「暗示俾外傭姐姐聽？」。
港爸在Facebook群組「香港僱主討論區(外傭/鐘點/陪月/本地ee)」出post，指18歲兒子早前告訴他鍾意了23歲的外傭姐姐，唔知點開口好，向網民查詢應否「暗示俾外傭姐姐聽？」
港爸在帖文中表示自己和太太都不介意姐姐做新抱，讚賞對方「人品我暫時見到都ok，幾乖女，話頭醒尾，同埋都有啲學歷」。他表示主要都是以兒子意見為主，但不確定外傭姐姐有沒有拍施，要試探一下姐姐，「同佢傾下睇下佢鍾意咩男仔」。
其他文章：外傭熱話｜僱主斥已打新冠疫苗外傭拒流感針自私 網民：打工唔係賣身
帖文引起熱議，認為港爸為人開明，不過也毋須過急撮合他們，「其實真係睇吓你介唔介意…」、「佢18歲仔啦！由佢自己諗辦法啦！」、「或者同仔仔傾下，宜家有相處時間反而可以睇到姐姐人品，好嘅話都無所謂」，亦有網民不要給姐姐太大壓力，「仲要提姐姐『it’s okay to say no』。你自己亦要俾工人姐姐知道不論结果如何都唔會影響大家既有嘅關係。」