消費券2022|兒子用母親消費券買補充練習 只剩$10 網民質疑:可能報大數,呃錢使
2022-04-19
^示意圖
第一輪消費券已推出了一段時間,大家用咗幾多錢呢?一名網民在討論區出post,指表哥用了姨媽的消費券,幫兒子買補充練習,用剩$10.8,網民直呼「乜依家補充練習咁貴㗎咩?」
一名網民在香港討論區出post,指早前姨媽和媽媽傾電話,問起消費券用了多少,事主媽媽表示成家只有事主外出上班,出街用得最多,「加埋可能都用唔夠一千蚊」,姨媽為此感到震驚,大呼「你哋咁好嘅!」
原來是姨媽把自己的$5,000給表哥一家用,因為表哥要買新家電和補充練習給兒子,只是買家電都用了表哥兩公婆消費劵8成,所以請姨媽幫手用消費券買補充練習。事主媽媽追問用了幾多錢買練習,沒想到姨媽表示餘額只剩$10.8。
相關文章:消費券2022|各大超市店舖優惠 百佳買$2,000禮券再送$150券
事主得知後直呼之前姨媽$1都無用過,「即係表哥買補充練習買咗成差唔多五千蚊?乜依家補充練習咁貴㗎咩?五千蚊補充練習可以做幾多年?」帖文下有網民調侃表哥可能呃姨媽錢,「補充練習咁貴㗎」、「補充咗落個仔個袋」、「可能呃錢報大數」、「打感情牌,呃錢使」;不過亦有網民認為那是別人家的事,事主不宜太關心。
來源:香港討論區