生命鬥士｜心臟病男嬰張保仔醫院開1歲生日會 媽媽：想話俾人知我個仔有幾叻
2022-05-03
現年1歲的男嬰張允祈（張保仔），在出生時被發現患有先天性大血管移位（簡稱TGA，屬先天性心臟病一種），隨即安排接受心臟手術卻失敗，當時醫生斷言張保仔或許只有4個月命。常言道「我命由我不由天」，張保仔日前成功過了人生第一個生日，媽媽為他在醫院舉行了一個生日會，創造更多新回憶。
1歲的張保仔在4月30日迎來第一次生日，在醫護人員的幫助下，媽媽在醫院為他舉行了一場生日會：「29號我哋可以離開病房，出去公園慶祝，保仔狀態好好，最喜歡推住牀仔行街街。」而在生日正日，媽媽在病房內為張保仔送上多隻毛公仔，又買了蛋糕跟他慶祝生日：「可以3個人一齊唱生日歌、食蛋糕、拆禮物，已經好滿足。」
曾被醫生斷言只有4個月命
「張保仔」這個乳名，代表「張家保護嘅仔仔」，爸爸媽媽希望可以用一生去保護、愛護他。張保仔在一出世時就被診斷出患有先天性大血管移位，是先天性心臟病的一種，雖然當時醫生已馬上替他進行心臟手術，可是手術最終失敗，而醫生亦斷言張保仔只有4個月命。不過關關難過關關過，媽媽形容張保仔對生命有一種堅持，竟然奇蹟地可以活到1歲：「呢個小小生命嘅堅持，對生命不放棄嘅信念，令保媽都體驗緊生命。」
不過在張保仔堅持的背後，亦有一段辛酸故事。媽媽在接受《Oh!爸媽》訪問時表示，其實早在去年8月初，醫生已判定張保仔的病情是「不能逆轉」，即代表無法醫治，隨時都有生命危險。直至本年3月，醫生向媽媽表明只會做基本的維持，假如張保仔的情況再惡化下，院方只會開藥讓他睡覺，見完所有人後就會用另一方式讓他舒服地離去。
媽媽表示，目前已經改變了心態，忍痛地願意放手讓張保仔舒服地離開：「保仔真係好叻，堅持咗好耐，以前唔想太麻煩人，唔想俾人知，唔想令人擔心，但而家係想多啲人知道我個仔有幾叻！」
父母放棄工作瞓醫院一年
由張保仔出生的那一天起，他從來沒有離開過醫院，父母為了方便照顧他，索性辭去工作，每晚留宿兒童醫院，已有一年沒回過家睡個好覺：「我哋放低晒工作，喺醫院陪咗佢一年，差唔多成年冇返屋企瞓。好彩11月開始，（兒童醫院）家屬留宿房重新開放，唔使再瞓梳化，可以俾錢租房瞓。」原來在去年11月前，醫院的留宿房關閉，父母只能在PICU門口的梳化睡覺：「因為我哋要隨時Ready小朋友會變差，都唔想離開醫院太遠。」
媽媽坦言，在生張保仔前，已經歷過2次自然流產，因此他們更珍惜這個得來不易的孩子，會盡力陪伴他走過每一天：「我自己都冇諗過保仔可以真正咁開1歲生日會，但佢又成功咗，對保仔嚟講係一個重要嘅里程碑。」媽媽想透過張保仔的故事，告訴別人兒子到底有多叻：「至少我哋無悔，可以挺起胸膛話俾人聽，保仔一直戰鬥之路係點走，保仔有幾叻，經歷咗幾多危機，創造幾多奇蹟。」
圖片來源：Facebook專頁「張保仔！邁向偉大航道！」
受訪者：張保仔媽媽
撰文：陳銘儀
更多文章：
