^圖片來源：超級奶爸 何基佑 Kay Ho
要小朋友做功課相信對家長來說是一大難題，家長不單止教導孩子做功課，還要請小朋友執好書包，準備第二日返學。「超級奶爸」何基佑日前在社交平台出post，分享大仔做功課的畫面，意外引起網民共鳴。
^「超級奶爸」何基佑育有一子一女。（圖片來源：超級奶爸 何基佑 Kay Ho ）
從何基佑上傳的相片可見，大仔坐在書枱前做功課，身後的地板上堆滿書本功課，甚至放到房間外，何基佑笑言「唔好以為呢度係第三世界國家嘅垃圾山，或者兇案現場。介紹番，呢個係我個仔做緊功課時嘅情況。」 不過他在回覆留言時都表示只要孩子在睡前「清番個場」就得了。
^何基佑表示會當自己時運高睇唔到。
其他文章：爆笑時刻｜兒子一做功課就想去廁所 爸爸出奇招 馬桶當凳坐惹爆笑
他表示做了父母後，有時都會想起以前，反思自己細個時，父母點頂得順自己？他又在帖文中問網友「你小朋友做功課時是咪一樣？」，意外引起網民共鳴，紛紛表示「原來係正常，我以為我小孩才是這樣」，不過都有網民「錯重點」，大讚仔仔坐得好，房間也十分整潔。
資料來源：超級奶爸 何基佑 Kay Ho
