11歲彤彤心肌炎入深切治療部 3星期前曾打第二針復必泰
2022-06-10
11歲女童蕭奕彤(彤彤)日前懷疑因心肌炎入院,後來情況轉差,被送往兒童醫院的深切治療部搶救,目前只能用人工心肺以維持心肺功能、減輕心臟負荷。彤彤的姨姨指,彤彤在3星期前曾接種第二針復必泰,並在兩日前因心口痛及肚痛入院檢查,沒想到才短短一天就已「命懸一線」……
彤彤的姨姨「地上媽媽」今日在社交網站發文,請大家替姨甥女集氣加油。事緣在2日前,姨姨收到彤彤的電話,指她因心口痛及肚痛入院檢查:
「姨姨,我去咗急症室,因為我好似俾啖牛奶濁親,吸咗落個肺(一邊尷尬的笑),心口好痛,而家去醫院檢查。」
「不過唔知點解,我到醫院就唔痛啦,咁奇怪嘅!」
在傍晚時分,姨姨再收到彤彤的第二通電話:
「姨姨,你知唔知我住咗院呀?」(語帶興奮)
「下,點解嘅?」
「醫生話我心肌炎呀,要留院做啲檢查。」
「心肌炎即係咩呀?」
背後傳來她媽媽的聲音「即係個心嘅肌肉發炎囉,有啲都會自己好返嘅。」
「點解你咁開心嘅?」
「哈哈,我未試過呀嘛,好似拍戲咁,吊住包鹽水㗎,我send相俾你呀。」
「咁你有冇唔舒服呀?」
「無咩喎,醫生話要檢查下!」
姨姨指,自己當時得知彤彤在ICU覺得非常疑惑,但卻因她的精靈和雀躍的聲線,令她不以為然。可是在翌日的早上,姨姨卻收到彤彤媽媽的電話,表示醫生在清晨5時打電話給她,指彤彤的情況轉差,要轉到兒童醫院:「但放落救護車時突然好危急,要轉番上房搶救。」