失而復得｜失心愛熊仔網上尋熊 獲網民暖心安慰 烏龍物主尋找分享相片送好運

如果唔見嘢又搵得番，失而復得嘅感覺，相信會好難忘。一名女網民在網上出post指不見了心愛的熊公仔，希望有網民幫忙留意，帖文一出有網民幫忙獻計及集氣，幸好最好只是虛驚一場，熊公仔原來是跌在梳化底，網民亦為之高興。

日前一名女網民在Facebook社團「香港失物報失及認領群組」出post，表示自己不見了一隻約20 cm的熊公仔，事主猜測自己應該是由九龍塘搭地鐵到到啟德，或是在晴朗商場的百佳超級市場購物時不小心跌了，「我估我可能噚日個袋太多嘢，搭車買嘢拎銀包時跌咗出嚟唔知，如果有街坊見到pm我」。

^事主上傳熊公仔的相片，請大家幫幫忙尋找

事主表示很喜歡那隻熊公仔，「佢成日陪住我出去同小朋友補習，啲小朋友都好鐘意佢，我有時心情唔好又會拎佢陪住我出街返工返學」。帖文下有唔少網民都指明白唔見嘢嘅感受，紛紛獻計建議事主到「港鐵自助失物處理平台」報失，亦有人幫忙在二手賣物平台尋找類似的公仔。

其他文章：好人好事︱女子於醫院門前暈倒 熱心醫護即上前救助

事隔一日後，事主報喜指已經找到熊仔了，原來跌咗喺梳化底，幸好只是虛驚一場，「謝謝大家噚日幫我集氣，我噚日驚死以後唔會再見到佢，結果原來跌咗喺梳化底」，事主先是感謝網民的幫助，也祝大家都可以搵到失物，更在網上分享熊仔的得意相。

得知公仔已尋回，有網民表示恭喜，更揚言「熊仔唔乖，百厭匿埋，要罰佢瞓梳化」、「和主人玩躲貓貓」、「恭喜你失而復得」，同時亦有唔少人分享自己的熊公仔:

來源：香港失物報失及認領群組

其他文章：【溫暖人心】手機失而復得 相簿裏多了一張9人大合照