網絡熱話｜家長開價50元學樂器 碩士畢業生感被侮辱 發文問意見 網友:開50連一般補習都唔得啦

^圖片來源:Lorenzo Spoleti@unsplash

有不少家長都會讓子女學興報班，有時為了方便都會想請老師上門教學。有網民在網上投稿，指有家長開價50元一小時私人教學，向網友查詢「如果我覺得被侮辱，是不是我的問題？」引起網民討論。

該名網友在facebook 社群「樂器·補習導師Secrets」投稿，表示自己碩士畢業，有二十多年教學經驗，考獲演奏文憑（LTCL），有家長見其學歷及經驗後，開價50元一小時教學。事主向網友查詢「如果我覺得被侮辱，是不是我的問題？將來他的小朋友，是否願意用這個價錢賣知識？」引起網民討論。

^網民投稿

有網民表示雖然投稿者沒講明是教甚麼樂器，但家長開出的價錢不合理，「樂器喎⋯唔係一般補習⋯開50就連一般補習都唔得啦！」、「$50？我廿年前幫中學生補習都$100一粒鐘啦！」、「何必認真呢，就當有些人無知，你唔接就算了」、「唔使浪費時間去思考一啲唔make sense 問題」，亦有人分享自己的經驗，「有人問過我，你平時成日做義工，可以免費教嗎？」。

不過也有網民提出該名家長可能是不知市價，才會這樣問，事主不用太在意，「何必浪費時間答佢仲要思考呢個問題？」、「唔係做開果行梗係唔會知咩價架啦，咪求其開個價囉，你覺得被侮辱，純粹係自己角度鑽牛角尖諗啫。」、「好多家長未必有心嘅，可能佢哋真係覺得小朋友學樂器唔需要太多錢，或者佢哋根本唔知道市價，但係作為販賣自己技術嘅人士，係唔係都有責任去知下自己究竟值幾多錢呢。」

來源：樂器·補習導師Secrets

其他文章：

網絡熱話︱家長要求代學童買飯兼陪食 兼職補習老師多索半個鐘時薪遭拒

家長指控老師下班後打麻雀講粗口 網民：唔通老師放工只可詩詞歌賦？