過重|兩老怕孫女食唔飽常餵零食致超重 港媽減飯量助減肥反被斥:唔俾飽飯個女食
2022-07-13
^示意圖(《BB來了》劇照)
成日都笑言「有種餓叫老人家覺得你餓」,但有時食太多都不是一件好事。有港媽近日於網上發文,指老爺奶奶經常拿零食給女兒吃,加上女兒懶,不願運動,導致今年小一的女兒已有超重跡象,港媽以減正餐飯量控制女兒的體重,卻被斥「唔俾飽飯個女食」,連女兒都覺得她是「衰人」,事主大嘆無奈。
港媽在網上討論區發文,指自己一家三口和老爺奶奶一齊住,兩老的思想較為傳統,「成日好驚阿女會餓親,得閒無時就俾好多零食佢食」,今年就讀小一的女兒平時已經少運動,疫情後直頭行步路都懶,開始有超重的跡象。
為了女兒健康,港媽表示已經很少給零食女兒食,連正餐都減少飯量,但兩老就不斷唱反調,經常買零食給她,導致女兒不願食正餐,「正餐求其扒兩啖就算,轉個頭就走去問爺爺嫲嫲拎糖拎薯片」。
其他文章:網絡熱話 | 奶奶偷餵孫仔食零食 港媽不滿:餵完又唔認
老爺奶奶更指責港媽「唔俾飽飯個女食,要個女捱餓,點做人阿媽,知唔知醜」,即使港媽解釋超重會導致的問題,兩老仍當「耳邊風」,說話更愈講愈難聽,連個女都覺得媽媽唔俾食零食是衰人,令港媽大感無奈,直言「心都灰埋」。事主向網民查詢可以怎樣做。
過分肥胖影響健康
據衛生署資料顯示,過分肥胖會加重身體各器官的工作量,引致各種疾病,如高血壓、中風、糖尿病、睡眠窒息症、膽石、疝氣(小腸氣)、關節炎等。改善體重需要家長和孩子一同努力,共同制訂控制體重的計劃;健康生活習慣從家庭開始,家長及其他家庭成員應積極鼓勵孩子用決心和信心去實行良好的飲食習慣和增加運動量,切勿對孩子過於遷就或呵護。
控制體重的方法
1. 參照「健康飲食金字塔」的分量比例進食不同種類的食物,以培養健康的飲食習慣及避免偏食;
2. 避免進食過多肉類、高糖分及高熱量的食物;
3.選擇熱量較低的小食如水果、車里茄、脫脂奶、烚粟米、栗子等;
4. 醃製食物時少加糖、油和醬汁,採用蒸、燉、炆、烚的烹調方法代替煎炸;
5.平均分配每天的早、午、晚三餐,切勿省略早餐,避免吃宵夜,飲食要定時定量,進食時要慢慢咀嚼;
6. 改變生活習慣,避免在糖果店或超級市場內的零食部流連,減少購買零食;
7. 定期進行適量運動能有效減少脂肪的積聚,令控制體重的效果更持久。
來源:網上討論區