消暑｜DIY清甜五色生果水食譜 吸引小朋友多飲水｜中醫爸B
2022-07-18
醫師，我個小朋友唔肯飲水⋯ 又瘦又矮，仲成日病。唔肯飲水，非常影響身體吸收營養，更拖累免疫力。
我指「水」，不是有味的飲品，如果汁，汽水 ！呢啲更含糖分或人工色素，愈飲愈差！唔鐘意飲水的小朋友，媽媽可以試吓「DIY五色水果水」，但不少人（包括小朋友）鐘意飲⋯長時間吸收過多香料，對身體造成一定負擔。
材料：
5種不同顏色的水果，以下用咗蘋果、梨、奇異果、青檸、火龍果（可以跟個人喜好，但太寒涼的生果就不建議）
做法：
1）洗乾淨（記得要去農藥殘留）及切碎
2）放入水中（可用天然礦泉水）
3）將五色生果水放入雪櫃最少2小時
4）飲用前，一定要放在室溫解凍，不要飲冰凍的飮品啊，以免凍親腸胃
蔬果去農藥方法：
扇貝粉1g , 放1L 水，放入蔬菜水果浸5-10分鐘。扇貝粉會將細菌病毒污糟及農藥包裹，再洗出蔬果本身。天然安全清除農藥及污物的方法。
呢個簡單的水食譜，我介紹過不少大人，細路飲過，好多人都話清清甜甜，大家飲多咗水，有啲人話連生果都食埋。大家可以喺屋企試吓。
PS：飲水對保持身體健康好重要，當然水始終係最好。
作者：中醫爸B
更多食譜：