依幾日大老細講話佢個胃頂頂又冇胃口，我估佢都可能食滯左啦！成日見佢唔好食太急，又或者食完飯唔好即刻坐底佢又唔聽，終於攪到唔舒服了，真係勞氣呀！
由於又未去到極度唔舒服嘅情況，唔洗去睇醫生住，所以作為賢妻嘅我(哈哈哈..又要自己讚自己)，係都要煲返少少嘢俾佢飲，等大老細順返個胃。於是就請教平日買開煲湯藥材嘅店員，佢就教我煲依個穀芽麥芽消滯茶。
材料穀芽、麥芽、雞內金、山渣、甘草及蜜棗一粒，藥材份量方面你同藥材店職員講大約幾多人飲用，佢就會幫你執份量啦~ 
穀芽、雞內金、麥芽均能消食健胃；山渣就可以消滯開胃；甘草就補脾益氣。所以加埋一齊煲就可以對消化不良、食慾不振同埋食滯左都有啲幫助。
將所有藥材浸洗備用~ 
由於我今次都只係煲一人份量(大約有兩杯啦)，所以就只係4碗水份量~ 
然後加入藥材~ 