網絡熱話｜集運司機高溫推30公斤貨 按公司指引收$20附加費遭公審

網購方便快捷，有唔少人都鍾意網購，加上送貨服務，就足不出戶都可買到想要嘅物品，不過有些貨運公司送到部分地區或會收取附加費。一名女子在網上出post投訴，指使用某間集運公司的送貨服務，送貨員要求收20元附加費，批對方貪心。其後送貨員亦有在網上出post回應事件。

近日一名女網友在facebok群組「淘寶唔開心share（中伏group）」出post，指自己用了同一間集運公司送貨，兩次都是同一名司機送貨，事主表示第一次送貨時，由於家中無人，該名司機幫她把貨送到樓下，第二次由事主自己在樓下收貨，卻被要求收取20元附加費。

事主認為收附加費的舉動無理，「之前咁多位司機包括佢在內，送到樓下都冇收過我任何費用」，司機則回應上次是因為事主家中無人才酌情沒有收費。事主與對方理論一段時間段，最後有俾到附加費，但控訴對方大大力扔貨物，又講粗口，直言「其實20蚊雖然好少錢，但好明顯係司機貪心，貪心得嚟仲要係咁講粗口鬧我實在太過份，希望咁多位揀集運時真係要小心」。

其他文章：網上騙案｜逾50市民疑墮網購騙局湧迪士尼fb留言要求跟進 樂園：已向警方報案

其後司機在另一個facebok群組現身反撃，附上與客人的對話截圖，從截圖可見女事主住在三棟屋村，居住的地方與停車場有一段距離，若要步行10分鐘，根據公司指引要收20元附加費，事前亦有致電通知，事主在電話中亦表示無問題，不是事主所說的「嚟到先講」。

司機指上次沒有收費是因為自己「衰好人」，上次事主指自己不在家又不想家人落去取貨，自己衰好人免費拿上去，亦有講明下次再送貨請事主安排好。司機最後在帖文中嘆「今日35度，我推成30kg貨，我嚟到你仲為咗講好嘅20蚊喺度X我貪心?」

集運公司在facebook亦有出post提醒運費已經包含了所有上門費用，司機將會派貨上門貨到家門，毋須再付任何費用，除了以下情況可能會加收費用：沒有停車場不能停車之地址、貨車不能直接到該屋企範圍、村屋不能駛到門前會約車邊交收、沒有升降機之大廈等。

帖文一出，隨即引起網民熱議，表示大熱天時司機要推咁多貨到咁遠已經好辛苦，還要遇上呢種客，真是可憐。

來源：淘寶唔開心share （中伏group)

其他文章：網絡熱話｜網購急凍鱷魚落刀處理突「翻生」 全家嚇到大叫 超市回應：未收到任何投訴