【熱辣搶先玩】最新迪士尼水上用品 陪小朋友萌放暑假
2016-06-01
轉眼快到暑假，又到咗去泳池、沙灘玩餐包嘅季節。識玩，梗係帶齊「架生」去玩啦！迪士尼今年嘅水上玩具，焦點落喺第一次同大家過暑假嘅《優獸大都會》，以及彼思動畫《恐龍大時代》身上。電影主角喺水泡、手袖上面大晒冷，陪住小朋友開心玩水。另外迪士尼推出新款水泡，跟埋支水槍仔，唔敢落水嘅小朋友都即刻落水玩！
「魔」力水泡 新暑假有新玩法
今年讀K1的Maegan聽到有得去沙灘玩，即叫媽咪邀請埋同學仔Joana孖住去。一去到沙灘，Joana就被水槍吸引，擺晒pose影相，但一要落水竟然驚豬！
Joana媽媽解釋，枝水槍係連埋水泡，有條小水管，落水先有得射槍架喎。Joana心大心細。轉個頭Maegan已經坐住佢嘅《魔雪奇緣》（Frozen）「座駕」，按響鞍大叫：「快啲啦Joana！」咪睇Maegan斯斯文文，佢話佢鍾意呠呠車，「因為有得『㩒』（響號）。」Frozen水泡唔止有軚盤仲有埋挨凭，配上Elsa及Anna圖案，啱晒elegant得嚟又有啲鬼馬嘅Maegan。
經過媽媽同Maegan鼓勵，加上真係好想玩水槍，Joana最終成功落水，成功突破心理小關口！
▲水泡連水槍 （55cm） 分別有《反斗奇兵3》及《魔雪奇緣》兩款。
▲車型水泡船（43 x 67 x 32.5cm），除《優獸大都會》另有《反斗車王》、米奇等款式。
「優獸」暑假 恐龍大晒冷
問到兩個小朋友有冇睇《優獸大都會》同埋《恐龍大時代》，佢哋唔直接答你，用行動答你！Maegan立即拎起《優獸大都會》水泡，指著Q版主角圖案：「呢個係朱迪，呢個係阿力…佢哋做警察！」Joana不甘示弱，「阿勞同細細粒好朋友嚟架。」
《優獸大都會》同埋《恐龍大時代》嘅水泡、水袖鋪滿電影主角，小朋友們個子小小將個水泡轉來轉去，相當搞鬼。
▲兩套電影水泡（50cm） 皆有藍色和黃色兩款。
▲另有大size水泡（70cm）。
▲手袖（28 cm）另有《魔雪奇緣》及其他款式。
帶齊玩具 「反斗」沙灘
對於小朋友嚟講，去沙灘嘅重頭戲一定係玩沙。《反斗奇兵3》同《魔雪奇緣》嘅沙灘具套裝備有不同配件，Maegan用嘅係中size套裝，除了膠桶、沙灘剷和扒、篩及澆花壺，更有雪花和星星模具，Joana都問「可唔可以借俾我用？」證明玩起上嚟真係無分男女，不過共通點都係會玩到唔捨得走。
爸媽如果想同小朋友多啲互動，不妨出動沙灘波。Maegan同Joana見到沙灘波終於肯放低玩沙工具！《反斗奇兵3》沙灘波，圖案搶眼，6面會展示6個主角，拋到幾高都實見到佢哋！
▲除《反斗奇兵3》及《魔雪奇緣》，亦有《大英雄聯盟》款式，沙灘玩具套裝附件視電影而定。
▲沙灘波亦有《反轉腦朋友》及《魔雪奇緣》款色。
後記
喺沙灘盡情放電後，攤喺水泡上食個雪糕。你睇吓小朋友滿足嘅神情，就知呢一日有幾圓滿啦！
產品於AEON、Citistore、UNY、Apita、Pigao，全線美亞文具、千年史書文具店、友成家庭用品公司，及各文具、玩具店有售。詳情按此
資料由客戶提供