小鐵漢|小鐵漢發燒 走兩間醫院逾13小時未獲轉介 父母斥醫院機制繁複
2022-07-27
患有先天性心臟病的小鐵漢(Kansas),在較早前完成心導管手術出院,早前更與家人到迪士尼樂園遊玩。但在前晚開始發燒,雖然早上已看醫生食了退燒藥,情況未有改善,又怕是手術的併發症,帶到天水圍醫院睇急症,想轉介到剛完成手術的兒童醫院,但天水圍醫院沒有兒科未能安排轉介,只能安排小鐵漢到有兒科的屯門醫院再安排轉介,一晚過去仍未轉到兒童醫院,爸爸斥醫院機制繁複,大感無奈。
小鐵漢媽媽昨晚(26日)於Facebook專頁出post,指Kansas日前發燒,食了藥情況也沒有改善,「剛剛突然又高燒,仲要呼吸好辛苦同好攰冇晒力…」,怕是手術的併發症,較幸運的是做了快測,結果為陰性。父母有打去兒童醫院查詢,但醫院表示唔收人,便帶其到天水圍醫院睇急症,但在醫院等候時卻遇上一堆繁複程序,「其實你哋嘅系統同程序都幾複雜同混亂架喎,入咗天水圍醫院急症室,又話天水圍冇兒科,問佢可唔可以轉返去跟開阿仔Case同剛剛做完手術出院嘅兒童醫院,又話兒童醫院只接受兒科轉介,佢冇兒科,做唔到轉介」,表示要到有兒科的屯門醫院才能轉介去兒童醫院。但醫護車要等到凌晨兩三點先有,如果他們自行到屯門醫院,就要到時重新排過急症。
3小時前,小鐵漢媽媽再發文,指終於去到屯門醫院兒科,但仍很徬徨,因為「呢度冇心臟科醫生睇吓佢,除退燒藥,又冇其他藥治療佢先,發燒時仲打冷震,維持了數秒,持續有燒」。她又表示有向醫生說明情況Kansas有機械心瓣,起博器,屬高危,「以往心臟科醫生會擔心有菌入落心瓣,會開住藥佢先,邊吊藥邊種菌(抽血)以防萬一。呢度,唔肯咁做!」
醫院方面向他們表示要等巡房醫生決定點樣處理,媽媽又指希望可以有心臟內科醫生睇Kansas,得到的回覆卻是「心臟科醫生都去晒兒童醫院喎」。媽媽今朝回復網民留言查詢時,表示見了巡房醫生,「話要兒童醫院高級醫生call番去傾,但兒童醫院係話屯門主診醫生決定嘅,決定ok嘅話,兒童醫院先收症,兩邊說法出入」
爸爸其後在Facebook出post斥「機制同系統原來唔係用嚟救病人」,「由999白車,到天水圍醫院,再俾人踢去屯門醫院,已經超過13小時 ,連一個屬於心臟科嘅普通觀察同治療都冇」。
來源:「小鐵漢媽媽」
其他文章: