兒童安全|男童走失怕被鬧唔敢打俾媽媽 好心家長伸援手帶到客服搵姐姐
2022-08-03
帶小朋友外出一定要拖到實,有時小朋友嘅活潑度同行為速度快到你唔信,一個唔為意走失咗就好麻煩。
香港一名網民在Facebook社團「外傭僱主必看新聞訊息」出post,指自己在7月29日早上湊仔返學,路過朗屏天橋臨入地鐵站口見到有名男童不斷哭泣,但由於是返工返學的繁忙時間,沒有人理會男童,自己便走上前問孩子「你係咪唔見咗媽媽呀」,男童則回應「我唔見咗姐姐」。
其後事主又問男童是否記得媽媽的電話,可以幫忙致電給母親,但男童拒絕了提議,稱媽媽會鬧他。事主在無辦法下,只好先帶男童到客户服務部。而途中有一名姐姐離遠跟住他們,但又不是男童的姐姐,該名姐姐詢問小朋友是否不見了媽媽,事主答小朋友唔見了helper,姐姐表現得很愕然,事主對此感到十分奇怪,表示「呢個姐姐如果係關心小朋友又唔一早幫佢,而家要跟住我哋?如果我都無理小朋友照行咗去同仔返學,呢個姐姐會唔會有下一步行動想做啲咩呢?」
去到客户服務部,小朋友的姐姐拖住弟弟趕過去,姐姐一見到事主就先向事主道歉,隨後責備小朋友走咗去,事主聽到後,阻止外傭責備,向對方說「you don’t too louder, this is your job, this is your duty, you need to hold the kids」,更展示自己是如何拖實孩子,之後外傭沒說甚麼便帶着兩個孩子走了。
其他文章:防走失帶拖小童被指似「放狗」 網民爭論: 無小朋友無資格批評
事主不理解為何小朋友在徬徨無助時竟不敢打給媽媽,又指如果小朋友難控制的話,為甚麼不同僱主講。她表示沒法想像這種事會發生在自己身上,直言「如果係我工人唔見咗我個仔,我癲咗都似,點揾番點賠番個仔俾我呀?俾人捉咗點算呀?」自己也借此機會教3歲仔仔背誦父母的電話,發生甚麼事第一時間要打給媽媽或爸爸。
帖文下有網友留言多謝樓主伸出援手,在小朋友無助時保護他,「多謝樓主,小朋友喺最冇助時侯有你保護佢,希望佢父母睇到;好好教導姐姐」、「平時點嘅教育先會令到個小朋友有事唔敢打俾媽咪..」、「你啱呀,要教導小朋友遇到問題要通知父母」、「同小朋友外出,無論邊個都一定要睇實」
來源:外傭僱主必看新聞訊息