婆婆身兼母職幫孫女買Ｍ巾遭考起 港女目擊過程感心酸

^示意圖片，非當事人

買M巾除了對男性來說是一個大考驗，對年過70歲的婆婆來說，亦是一大難題。近日有港女在討論區發文，主題為「老公幫老婆買M巾so sweet 阿婆幫孫女買M巾so心酸」，指早前在大型連鎖店購買衞生巾時，見到一名身穿清潔公司制服、年約70歲的婆婆為孫女買衞生巾，「婆婆問我手拎嗰包M巾係點用嘅，我係呆一呆～點答…後來了解後，原來孫女無晒存貨，send相畀阿婆叫佢去買，但阿婆又唔小心del咗張相，又唔再問孫女，所以係堆巾櫃徬徨中。」

樓主憶述婆婆向她大吐苦水，指之前已替中一的孫女購買安全褲，雖然價錢昂貴，但亦按要求購買，「今日話日用都無，所以叫阿婆去買，我問點解佢唔自己嚟買，婆婆答：『叫我買就我畀錢嘛。』」

樓主其後指婆婆雖瘦削矮小，皮膚因工作而黝黑，但仍精神奕奕詢問Ｍ巾知識，「雖然時不時會吐嘈孫女２句，但看她表情是充滿愛，嗰刻令我有點心酸，希望婆婆的愛是雙向的」。最後婆婆聽從樓主推薦，購買3包M巾，同時1包洗衣液，並希望她的孫女不會太高要求。另外，樓主又稱讚店員，知道婆婆不想浪費買膠袋時，熱心幫婆婆找到個乾淨的紙箱盛載。

來源: 香港討論區

頭條日報授權轉載