珍惜家人相處時光 譚俊彥望三代同去旅行

2022-08-05


^Shaun最希望疫情消失,可以三代同堂去日本旅行。

譚俊彥(Shaun)最近首次出任月餅代言人,廣告中他飾演經常離家工作父親,傳統節日特別想回家跟家人團聚,他認為正是他生活寫照,亦令他想到小時候離港留學時,家人不在身邊的感受,所以現在會特別珍惜跟家人相處時光,更期待疫情退去,可以三代同堂去旅行聚天倫。

首次為傳統食物代言,令Shaun特別興奮,「拍廣告時,我一聞到蓮蓉味,就諗起細個同公公婆婆一齊過中秋,諗到嗰種味道就會諗返起同親人最開心嘅時候,疫情維持咗咁耐,可以好正能量咁參與到呢個廣告,帶到一啲親情訊息畀大家,我都好榮幸。」
靠聽屋企直播撐住

Shaun經常要長時間離港工作,早前到內地為劇集《隱娘》開工加上要隔離,一去就大半年,他直言很掛念家人,幸好現在科技先進,所以更加明白當年父親狄龍的感覺,「我同爸爸都係做嘢時會好專注工作,所以o依家我明白佢嗰時係冇辦法,仲要冇咁多科技,電話都講唔到,我o依家仲可以視像已經好好多啦!我會一路同啲小朋友溝通,參與屋企嘅運作,譬如做gym、跑步,我都會一路開住視像,睇唔到都聽住佢哋把聲,聽吓個仔練琴,起碼覺得成個屋企係撐緊我。」

曾離家一個人到外地讀書的Shaun,直言是個不能單身生活的人,所以當了爸爸後,會更加珍惜跟家人相處時間,「我承認做咗爸爸後,會比較想同爸爸關係更好,以前啲人成日話我係爸爸個仔,好似個陰影咁,o依家我覺得,人哋愈講我愈會攬住我阿爸O添!因為佢o依家身體仲好好,又可以三代同堂,成件事唔會理人哋點講,我淨係想好好享受呢個階段。」現在他最希望疫情完結,請晒全家去旅行,「但係o依家呢個係大事嚟,之前我本來有邀請過佢哋去日本嘅,但係最後冇去到,爆疫情之後都冇機會三代同堂去,但係呢個隔離我真係完全計劃唔到。」■離港開工時,Shaun會靠視像與家人維繫感情。


^離港開工時,Shaun會靠視像與家人維繫感情。


^Shaun拍廣告時,聞到蓮蓉味即想起童年時跟家人過中秋。


^廣告中跟小演員合作,身為一對子女爸爸的Shaun,駕輕就熟。


^Shaun小時候跟爸爸狄龍、公公、婆婆和姨姨一齊慶祝生日。

頭條日報授權轉載

熱門文章

危險|兩男童狂轉餐盤倒瀉熱水壺燙傷同桌女童 網民直斥:唔識教就唔好生
08-07
科學館「與龍同眠」9月份場次接受報名 其中一節為成人場次
08-06
珍惜家人相處時光 譚俊彥望三代同去旅行
08-05
恐怖車禍|女司機衝紅燈釀5屍6命 BB飛進加氣站慘死|有片
08-08
牙齒健康|媽媽替3歲女戴牙箍被斥虐兒 專家剖析兒童最佳箍牙時間
08-08

水警后海灣截走私艇檢逾百隻貓狗 部分呈脫水疑遭虐待
2022-08-08
名人親子|鍾嘉欣臨盤在即為仔女提早慶生 Kelly遺傳媽咪基因愈大愈標緻
2022-08-08
天文台明早考慮發一號戒備信號 未來兩日有狂風大驟雨及雷暴
2022-08-08
疫情|增4040宗確診多7人離世 張竹君:不排除BA.5成本港主流病毒
2022-08-08
牙齒健康|媽媽替3歲女戴牙箍被斥虐兒 專家剖析兒童最佳箍牙時間
2022-08-08
拒絕功課|剛升中女兒被要求做暑期作業 父母不滿將學校告上法庭
2022-08-08
查看更多   ▸