珍惜家人相處時光 譚俊彥望三代同去旅行

2022-08-05


^Shaun最希望疫情消失,可以三代同堂去日本旅行。

譚俊彥(Shaun)最近首次出任月餅代言人,廣告中他飾演經常離家工作父親,傳統節日特別想回家跟家人團聚,他認為正是他生活寫照,亦令他想到小時候離港留學時,家人不在身邊的感受,所以現在會特別珍惜跟家人相處時光,更期待疫情退去,可以三代同堂去旅行聚天倫。

首次為傳統食物代言,令Shaun特別興奮,「拍廣告時,我一聞到蓮蓉味,就諗起細個同公公婆婆一齊過中秋,諗到嗰種味道就會諗返起同親人最開心嘅時候,疫情維持咗咁耐,可以好正能量咁參與到呢個廣告,帶到一啲親情訊息畀大家,我都好榮幸。」
靠聽屋企直播撐住

Shaun經常要長時間離港工作,早前到內地為劇集《隱娘》開工加上要隔離,一去就大半年,他直言很掛念家人,幸好現在科技先進,所以更加明白當年父親狄龍的感覺,「我同爸爸都係做嘢時會好專注工作,所以o依家我明白佢嗰時係冇辦法,仲要冇咁多科技,電話都講唔到,我o依家仲可以視像已經好好多啦!我會一路同啲小朋友溝通,參與屋企嘅運作,譬如做gym、跑步,我都會一路開住視像,睇唔到都聽住佢哋把聲,聽吓個仔練琴,起碼覺得成個屋企係撐緊我。」

曾離家一個人到外地讀書的Shaun,直言是個不能單身生活的人,所以當了爸爸後,會更加珍惜跟家人相處時間,「我承認做咗爸爸後,會比較想同爸爸關係更好,以前啲人成日話我係爸爸個仔,好似個陰影咁,o依家我覺得,人哋愈講我愈會攬住我阿爸O添!因為佢o依家身體仲好好,又可以三代同堂,成件事唔會理人哋點講,我淨係想好好享受呢個階段。」現在他最希望疫情完結,請晒全家去旅行,「但係o依家呢個係大事嚟,之前我本來有邀請過佢哋去日本嘅,但係最後冇去到,爆疫情之後都冇機會三代同堂去,但係呢個隔離我真係完全計劃唔到。」■離港開工時,Shaun會靠視像與家人維繫感情。


^離港開工時,Shaun會靠視像與家人維繫感情。


^Shaun拍廣告時,聞到蓮蓉味即想起童年時跟家人過中秋。


^廣告中跟小演員合作,身為一對子女爸爸的Shaun,駕輕就熟。


^Shaun小時候跟爸爸狄龍、公公、婆婆和姨姨一齊慶祝生日。

頭條日報授權轉載

熱門文章

高雄7歲男童開學1星期遲遲沒上學 老師擔心報警揭發悲劇處境
10-02
與14歲少女非法性交玩3P致其染性病 男子認罪判1年感化
09-30
男童「手多」寵物店開櫃 放走值2萬元貓貓 家長反指店方有責拒賠
10-02
生活平衡|工作量大致無法平衡生活 女幼師:我真係好想辭職
10-03
姓氏|丈夫超罕見30劃姓氏難讀又難寫 媽媽教仔教到崩潰:真後悔給你找這個爹
10-03

長沙灣昇悅居青年墮樓亡
2022-10-03
霎時再感動|森美揭數年前患色素瘤 驚不久人世 不捨孩子獨坐門前看女兒做功課
2022-10-03
好姐姐|港媽一家移民 工作33年外傭退休 港媽不捨:簡直係另一個媽媽
2022-10-03
生活平衡|工作量大致無法平衡生活 女幼師:我真係好想辭職
2022-10-03
家族焦點丨做全家族第一個大學生 事主親戚聚餐被要求「表演講英文」
2022-10-03
姓氏|丈夫超罕見30劃姓氏難讀又難寫 媽媽教仔教到崩潰:真後悔給你找這個爹
2022-10-03
查看更多   ▸